Charter Document - 06340463
| Charter Number: | 06340463 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1110 |
| Date type: | Internal, A.D. |
| Resource Link(s): |
|
Charter:
Ne in dubium veniant que geruntur ego Philippus Dei gratia Trecensium episcopus ad omnium perveniri volo noticiam quod pro salute anime mee precibus quoque Roberti abbatis Molismensis et tocius capituli ejusdem ecclesie confirmo et sigilli mei pressione munio donum quod fecit ecclesie Molismensi illustris vir Garnerius consanguineus meus Pontium et Trianguli dominus locum scilicet in quo ecclesia continetur Sancti Hylarii cum grangia et terris arabilibus et omnibus appendiciis ejusdem grangie cum carrucha etiam et bobus et bubulcis duobus Girelmo videlicet et Jollemo socio ejus culturas et suas et quicquid habebat pertinens ad locum predictum et V gurgites in Secana quos in manu sua habebat cum retibus et piscatore nomine proprio Renaldo et usuarium ad piscandum in omnibus aquis suis cum omnibus instrumentis piscatoris et usuarium similiter in omnibus nemoribus suis ad omnia necessaria sua sicut sibi ipsi quocienscumque voluerint et necesse eis fuerit insuper et justiciam tocius terre predicte a via Faveroliarum usque ad ulmum de Gelloniis Homines vero qui in elemosina predicta habitare decreverint per totum dominatum castrorum prenominatorum Pontium scilicet et Trianguli ab omnibus consuetudinibus liberi erunt Hec autem omnia supradicta jam dictis fratribus contulit prenominatus Garnerius sine aliqua retentione justicie vel advocationis vel alterius cujuscumque juris jure perpetuo possidenda Preterea prefatus G Trianguli et Pontium dominus in mea laudavit et concessit presentia quod quicquam idem monachi Sancti Hylarii in tota terra sua de feodo suo in posterum a casatis suis acquirere sibi quibuscumque modis poterint suum erit absque calumpnia Ad supplementum vero hujus elemosine dono et concedo jam dicte ecclesie Molismensi et monachis Sancti Hylarii ecclesiam ipsam Sancti Hylarii et capellam Sancti Petri de Villa Nova cum appendiciis suis grossam etiam et minutam decimam libere et quiete in perpetuum possidendas Presbiter vero de Sancto Hylario pro messione habebit duos sextarios frumenti duos siliginis et quatuor tremesii et terciam partem oblationum et elemosinarum preterquam in candelis cetera vero monachorum propria erunt si quis terras vel aliquos redditus ibidem in elemosina dederit monachorum erunt in aliis vero elemosinis presbiter terciam partem accipiet sicut jam dictum est Presbiter vero de Villa Nova pro messione sua tres minas frumenti tres minas siliginis et in aliis sicut presbiter Sancti Hylarii habebit accipiet et tres sextarios tremesii Quicumque igitur hanc institutionem et donationem et confirmationem nostram violare presumpserit nisi resipuerit et ad emendationem venerit a sacratissimo corpore et sanguine domini nostri Jhesu Xpisti sequestretur Actum hoc Trecis in aula nostra anno incarnati Verbi MCX testibus G []