Charter Document - 06340432
| Charter Number: | 06340432 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1109 |
| Date type: | Internal, A.D. |
| Resource Link(s): |
TELMA - Traitement électronique des manuscrits et des archives |
Charter:
Cum de bono religionis odore in ecclesiis Dei suaviter redolente fideles universi semper in Domino gaudere debeant ego Theobaldus Trecensium comes specialiter religiosorum Molismensis monasterii monachorum et precipue reverendi viri Roberti primi eorum abbatis emulator existens tam futurorum quam presentium notitie duxi fideliter commendandum quod ad preces et instantiam ejusdem venerabilis abbatis et nobilium virorum hominum meorum Guidonis scilicet comitis de Barro super Sequanam Galterii quoque de Bernon et Jofredi Furnerii dicte Molismensi ecclesie pro mea et antecessorum meorum salute id libertatis in potestate mea Trecensi habere et jure perpetuo possidere decerno statuens et concedens ut ejusdem ecclesie homines si ad eandem potestatem meam ut inde sibi de feminis meis ducant uxores venerint quiete eas secum abducant et libere et deinceps tam ipse quam earum liberi absque ulla heredum meorum in posterum reclamatione dominio prefate ecclesie et servitio sicut ceteri homines sanctuarii per omnia subdantur Hujus itaque libertatis memorate ecclesie a me sollempniter collate textes existunt milites et homines mei Andreas de Baldimento Rocelinus de Vendoperio Pontius de Capis Jofredus Olranni filius Otrannus Wasteblé et Liebaldus et Walo Cuschardus burgenses mei de Trecis Actum hoc publice meoque est sigillo confirmatum anno incarnati Verbi MCVIIII