Charter Document - 06340378
| Charter Number: | 06340378 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1159 - 1160 |
| Date type: | Internal, A.D. |
| Resource Link(s): |
|
Charter:
Notum sit presentibus et futuris quod ego Godefridus Dei miseratione ecclesie Lingonensis episcopus dedi Deo et beate Marie Molismensis ecclesie ecclesiam de Mosa cum appendiciis suis possidendam jure perpetuo a fratribus Varennarum Huic donationi nostre adjecit vir nobilis Girardus de Donno Martino donans in presentia nostra Varennarum ecclesie pro salute anime sue et pro anima uxoris sue Rocuidis nomine et pro quodam filio suo Joberto nomine monacho apud Molismum facto medietatem totam ejusdem ville cum finagio ibidem pertinente tam in nemoribus quam in planis et pascuis et decima ejusdem ville et sede quadam molendini et brolio alodii sui Hanc donationem predicti Girardi collaudarunt filii ejus Fulco et Girardus una cum filiabus suis Rocuide et Adelina itemque Arnulfo Peteillone et Auberto de Bordons qui hujus alodii querelatores fuerant seseque in manu mea exinde penitus devestientes ecclesiam de Varennis sollempniter investivi Actum hoc publice nostroque confirmatum est sigillo anno ab incarnatione Domini MCLVIIII testibus hiis Warnerio et Hugone archidiaconis nostris Guidone thesaurario Rainaldo de Pulteriis Menardo de Moris abbatibus Renerio Acri Montis domino et fratre ejus Girardo Sine Terra cognominato et Erlebaudo milite