Charter Document - 06340371
| Charter Number: | 06340371 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1139 - 1163 |
| Date type: | Assigned |
| Resource Link(s): |
|
Charter:
Presentibus et futuris ego Raynardus de Firmitate et Thomas nepos ejus innotescimus nos patris mei Henrici donationem videlicet de villa Campanie quam pro anime salute ecclesie de Warenniis contulit gratanter et benivole laudasse salva siquidem in omnibus monachorum justicia nobis ejusdem ville Campanie advocaturam retinentes non quasi sub optentu advocatur ab hominibus ipsius ville quicquid prorsus exacturi sed ea scilicet intentione ut contra malivolos et persecutores nostro fulciatur patrocinio Porro omnis plane justicia a minimo usque ad majus monachorum est Quod si reatus adeo execrabilis fuerit utpote sacrilegorum latronum et horum talium ut secundum secularium legum districtionem membrorum detruncatione vel suspensione is qui ejusdem modi delictum admiserit multandus sit quod utique monastica pietas abhorret iste talis domino de Firmitate deliberabatur secundum sue culpe modum salvo sicut diximus monachorum jure puniendus Ad hujus igitur rei confirmationem istam conscribi cartam fecimus et venerabilis episcopi Lingonensis Godefridi sigillo autentice consignari Testes interfuerunt ydonei Fulco de Caseolo et Uricus frater ejus canonicus et plures alii