Charter Document - 06340369
| Charter Number: | 06340369 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1101 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Robertus Dei gratia Lingonensis episcopus notum facio omnibus tam futuris quam presentibus quod domnus Henricus de Firmitate et uxor ejus Ligardis laudantibus filiis suis Pontione Awino Rainardo concessu domni Guidonis de Wangionisrivo Deo et Beate Marie de Molismo et Sancto Jengulfo de Warennis et fratribus inibi servientibus Deo pro remedio animarum suarum Campegniacum liberaliter dederunt et quicquid in ea habebant nulla retentione retenta Sed si quis de supradicta villa de Campegniaco contra monachos de Warennis rebellis extiterit et per se monachi justiciam de illo habere nequiverint domino de Le Ferté proclamationem facient et ipse dominus rebellem illum ad justiciam monachorum tantum pro Deo adducet Et sic jam dictus dominus de Le Ferté Campegniacum et quicquid ad eam pertinet dedit et in manu nostra pro elemosina posuit et nos de ea monachos Molismenses investivimus et ut ratum et inconcussum permaneat sigilli nostri auctoritate confirmavimus Quicumque huic testamento contradicere voluerit anathema fiat donec corrigatur Signum Almarrici decani S Lamberti erarii S Jocelini Gerardi Hugonis archidiaconorum Actum est hoc anno incarnati Verbi MCI