Charter Document - 06340359
| Charter Number: | 06340359 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1084 - 1085 |
| Date type: | Assigned |
| Resource Link(s): |
|
Charter:
Quoniam qui summi regis gratia in regimine ecclesie ad episcopii officium provecti ministrandi curam Deo et ecclesie susceperunt illud Apostoli preceptum memorari condecet Ministerium tuum implere summopere predictis providendum est ne gregi dominico sibi commisso pabula deficiant Quapropter ego Raynardus quamvis indignus in Lingonensi ecclesia dictus episcopus quibusdam donariis que jampridem Molismensibus monachis ecclesie sancti martiris Gengulfi Varennarum famulantibus donavi munusculum quoddam adjeci ecclesiam scilicet Geulosi Montis cum omni jure parrochiali libere et absolute absque omni calumpnia in perpetuum possidendam Et ne transitu generis humani seu hominum oblivione a memoria auferatur litteris presentis cartule commendo Quicumque presumptione aut avaritia violator hujus doni extiterit sive quippiam denierit anathematis gladio feriatur Ad hoc enim laudandum et confirmandum testes ydoneos et confirmatores subscriptos advocavi et tocius assensu capituli annotavi Signum Amalrici decani Signum Goscelini archidiaconi et plurium aliorum Testes sunt Terricus de Mandris Emmalricus nepos decani et plures alii scilicet Rodulphus de Varennis qui tunc temporis eumdem parrochiatum tenuerat coactus vero preceptis apostolicis Deo et Varennensi ecclesie in manu episcopi reliquit fratribus suis Richardo Lingonensi preposito et Herlembaudo laudantibus et omnibus amicis suis