Charter Document - 06340303
| Charter Number: | 06340303 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1101 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus sancti Amen Quod a sanctis et illustribus viris Deo devotis pietatis affectu exigitur id absque dubitationis dilatione cum mentis sinceritate complere debemus effectu quatinus et eorum in bonis devotio et caritatis et utilitatis exibite nobis cumuletur recompensatio Propter quod ego Robertus Dei gratia Linguonensis episcopus scripti presentis memoria omnibus sancte matris ecclesie intimandum decrevi Molismensis ecclesie venerabilem abbatem Robertum nostram adisse presentiam et ut donationem a Wilelmo comite Nivernensi jam dicte ecclesie sollempniter factam a fratribus ibidem Deo servientibus perpetuo possidendam scripto nostre concessionis firmaremus suppliciter requirentem Tenor autem donationis jam dicti comitis hic est ecclesia scilicet Sancti Aniani in Tornodorensi oppido sita cum ceteris capellis ibidem adjacentibus cunctaque ad ipsam parrochiam pertinentia oblationes videlicet et sepulture et omnis decimatio tam grossa quam minuta infra finagium a quolibet elaborata excepta una carruca abbatie Sancti Michaelis Cujus pium peticionis affectum consilio et assensu canonicorum nostrorum dignum duximus esse complendum ut et devotionis sinceritas laudabiliter enitescat et utilitas postulata vires indubitanter assumat Per presentis igitur privilegii cartulam firmamus et corroboramus donationem predicti comitis ut eam Molismenses monachi sine parte alterius in evum possideant salvo per omnia jure Linguonensis ecclesie Addimus etiam huic nostre concessioni et confirmationi silvas et terras et aquarum decursus et piscationem aque que dicitur Blismodis et salagium de mercato et virgultum et quecumque sibi aliquo modo adquirere poterunt monachi in eodem monasterio Deo servientes sive de casamentis ejusdem comitis sive de quibuslibet aliis ad suum jus et dominium pertinentibus Libertatem etiam eidem ecclesie ipsius comitis peticione talem concedimus ut nec ipse Wilelmus nec alius Nivernensis sive Tornodorensis comes aliam sibi capellam in castro Tornodorensi aliquando faciat vel ab alio fieri permittat Hec itaque omnia a predicto Wilelmo comite Nivernensi manu nostra mediante Molismensi cenobio donata sunt et dominica in Ramis palmarum sub presentia domni Richardi tunc temporis Albanensis episcopi et sedis apostolice legati in capitulo Linguonarum sigilli proprii munimine roborata et a canonicis antea ex integro libere possessa Concedimus etiam abbatibus et monachis Molismensis cenobii ut si ecclesia Sancti Aniani sacerdote vacaverit ipsi sacerdotem idoneum sibi eligant et electum episcopo Linguonensi representent ut ab ipso investiatur animarum cura et deinceps in curia prioris super his que ad ipsos pertinent justiciam omnimodis prosequatur Quicumque igitur huic dono jam dicti comitis et nostre confirmationis contraire presumpserit anathematis gladio feriatur et a sacratissimo corpore et sanguine Domini usque dum satisfecerit sequestretur Facta sunt hec Paschali sedis Romane pontificium gubernante Philippo rege Francorum regnante Roberto episcopo Linguonarum ecclesiam regente Duranno notario dictante anno ab incarnatione Domini millesimo centesimo primo indictione undecima epacta XVIII concurrente I S Roberti episcopi S Almarici decani S Lamberti erarii S Goscelini archidiaconi S Gerardi archidiaconi S Hugonis archidiaconi S Theoderici capellani episcopi S Duranni presbiteri S Humberti presbiteri S Humberti diaconi S Petri diaconi S Norberti diaconi S Hugonis subdiaconi S Almarici subdiaconi