Charter Document - 06340283

Innocentius episcopus servus servorum Dei dilecto filio Eberardo Molismensi abbati ejusque successoribus perhenniter substituendis in perpetuum Officii nostri nos hortatur auctoritas religiosas personas affectatione paterna diligere et earum loca apostolice sedis munimine confovere Quamobrem dilecte in Domino fili Eberarde abbas tuis postulationibus clementer annuimus et Molismense monasterium cui Deo auctore preesse dinosceris ad exemplum predecessorum nostrorum Pascalis atque Urbani beate memorie presentis scripti pagina communimus statuentes ut quascumque possessiones quecumque bona idem monasterium inpresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma tibi tuisque successoribus et illibata permaneant In quibus hec propriis nominibus exprimenda subjunximus in Lingonensi episcopatu in [ipsa urbe ecclesiam] Sancti Desiderii cum possessionibus suis Juliacum cum appendiciis ecclesiam de Varennis cum possessionibus suis de Vi de Coflegio de Poeliaco de Parno de Richiburgo de Espielento de Alba Petra de Legismo de Vacua Sella de Gevrellis de Lentil de Campiniaco de Exoia de Villenossa de Mareio de Monte Lasconis de Sancta Columba de Sancto Aniano cum omnibus que ad ipsam parrochiam pertinent de Sancto Petro de Sancto Micomere de Colanno villam de Monsion cum ecclesia villam de Vitelliaco villam de Granciaco de Austricurte allodium de Sela villam de Marcennaco cum capella de Bissei Artunnacum cum ecclesia Sisteniacum cum ecclesia allodium de Viler et de Nicé et de Caunaco de Cusé in Tullensi episcopatu ecclesiam Sancti Teobaudi de Valcoloro cum capella de Tuscio de Caslenis de Comarcé de Brainvilla de Romanis de Nantiaco in Trecensi episcopatu ecclesiam de Fulcheriis de Sancto Lupo de Islis villam Sancti Theobaudi de Sancto Quintino villam de Villerradon cum ecclesia de Sancto Hilario de Nogento de Planciaco de Flacé villam Sancte Marie ad Ulmos cum ecclesia Sancti Martini allodium de Largicort de Catalata de Warnoviler de Tast villam de Peiaco cum ecclesiis suis de Guiarcia de Baia in Catalaunensi episcopatu ecclesiam de Fera de Aquatitio Fontem Vivum cum appendiciis suis in Meldensi cellam de Firmitate cum decimis et ecclesiis suis de Almiges de Sancto Patusio in Belvacensi ecclesiam de Nostel de Vernolio in Remensi archiepiscopatu cellam Sancte Waburgis cum ecclesiis suis in Altisiodorensi cellam de Luceio de Liscé villam de Nantrico Grisenon cum appendiciis suis in Senonensi archiepiscopatu ecclesiam de Senuno de Doceio de Monteniaco de Golmeré de Viler in Trecensi ecclesiam de Sancto Patroclo villam de Rumiliaco item in Tullensi villam de Senlacort allodium de Paré de Jalné de Buccumvilla in Eduensi ecclesias de Frollés de Blesmur de Crais capellam Tullionis castri cum omnibus appendiciis earum Decernimus ergo ut nulli omnino hominum liceat prefatum cenobium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura salva nimirum Lingonensis episcopi canonica reverentia Prohibemus tamen ne ullatenus ei liceat gravamen aliquod prefatis fratribus irrogare adicientes etiam ut nulli penitus [fas] sit in ecclesiis ad vestrum cenobium pertinentibus sine consensu vestro aut presbiterum aut alterius officii clericum cons[tituere Porro donationem illam quam] eidem monasterio bone memorie Rainardus et ejus successor Robertus et Guilencus Lingonenses episcopi con[silio et assensu canonicorum suorum] concesserunt nos quoque secundum quod a predecessoribus nostri[s] noscitur institutum presenti decreto firmamus videlicet ut quicumque clericus quicumque Lingonensis ecclesie casatus cenobio vestro ecclesiam seu aliquid de casamento suo con[tu]lerit salvis nimirum [consuetudinariis episcopi] redditionibus liceat monachis obtinere Obeunte vero te nunc ejusdem loci abbate vel tuorum quolibet successorum nullus ibi qualibet subreptionis astutia seu violentia preponatur nisi quem fratres communi assensu vel fratrum pars consilii sanioris secundum Dei timorem et beati Benedicti regulam providerint eligendum electus autem a Lingonensi episcopo consecretur Si qua igitur in posterum ecclesiastica secularisve persona hanc nostre constitutionis paginam sciens contra eam temere venire temptaverit s[ecundo tertiove] commonita nisi reatum suum congrua satisfactione c[or]rexerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et domini Redemptoris nostri Jhesu Xpisti al[iena fiat atque in] extremo examine districte ulcioni subjaceat Cunctis autem eidem loco sua jura servantibus sit pax domini nostri Jhesu Xpisti quatenus et hic fructum bone actionis [percipiant et] apud districtum jud[icem] premia eterne pacis inveniant Amen Amen + Ego Innocentius catholice ecclesie episcopus SS [Benevalete] + Ego Guillelmus Prenestinus episcopus SS [] + Ego Anselmus presbiter cardinalis SS + Ego Lucas presbiter cardinalis SS + Ego Gregorius diaconus cardinalis Sanctorum Sergii et Bachi SS Datum Pisis per manum Aimerici sancte Romane ecclesie diaconi cardinalis et cancellarii V idus novembris indictione XIIII Incarnationis dominice anno MCXXXV pontificatus vero domni III