Charter Document - 06340073
| Charter Number: | 06340073 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | French |
| Charter Origin: | Religious |
| Charter Type(s): | Lease |
| Date: | 1244 - 1245 |
| Date type: | Internal, A.D. |
| Resource Link(s): |
|
Charter:
Je Eraz de Brene sires de Rameru fais savoir a touz ceus qui verront ces letres que Robelins notre bailliz de Bangniaus a reconeu par devant nos que il a retenu a moison dou celerier de l'eglise Nostre Dame de Molesmes a sa vie terres et cens que il avoit a Baigniaus en tel maniere que il paera chascun an a la feste saint Remi a Molesmes au celerier devant dit por ces terres et por ce cens devant dit quatre setiers d'avoine a la mesure de Molesmes et ces terres et ce cens il doit tenir en boen point par son serement et aquerre par tout a son pooir a bone foi Et a la requeste Robelin devant dit je faz seeller cez letres de mon seel Ce fu fait en l'an de grace mille anz et II et XLIIII el mois de janvier