Charter Document - 06340013
| Charter Number: | 06340013 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 |
| Date type: | Internal, A.D., Lunar |
| Resource Link(s): |
|
Charter:
In nomine Patris et Filii et Spiritus sancti Amen Ego Godefridus Dei miseratione Lingonensis episcopus notum facio presentibus et futuris quod ad preces dilecti filii nostri Stephani Molismensis abbatis et fratrum ejus consecravi altare illius capelle parrochialis constructe infra cymiterium ejusdem monasterii ubi quid monachi quid sacerdos percipere debeant statui et decrevi inter eos firmiter tenendum et ab utraque parte jure perpetuo possidendum In cunctis itaque oblationibus que per annum ad altare ejusdem parrochie quoquomodo offeruntur terciam partem presbiter habebit et duas monachi et de omnibus que morientes ad ecclesiam pro salute sua dimiserint terciam partem habebit presbiter et monachi duas Similiter et in caritatibus a parrochianis quomodocumque factis sacerdoti tricenariusque confessionibus et reconciliationibus et nubentium benedictionibus et sacerdotis procurationibus quotiens redimuntur et in omnibus que pro parvulis post baptisma recenter in albis obeuntibus percipiuntur terciam partem habebit presbiter et monachi duas Mediamque presbiter et mediam monachi partem habebunt in peregrinorum perali benedictione et eorum oblatione et in testamentis eorum terciam partem presbiter et monachi duas habebunt Statui etiam et decrevi ut in eadem capella defunctorum corpora nunquam presentet presbiter sed de domo qua mortuus efferendus est ad majorem ecclesiam a presbitero presentetur missam monachi pro defuncto celebrant et eum sepeliant Et si quis in extremis monachum se fieri petierit facto prius testamento sacerdoti tradit eum sacerdos monachis monachandum et in eo quod eis dederit nichil habebit presbiter in testamento vero ejus duas monachi partes habebunt Et in decimis vinearum et frugum octo monachi partes habebunt et nonam presbiter In cunctis quoque mobilibus que donantur terciam habebit partem presbiter et monachi duas fundus vero terrarum si detur vel prata vel vinee proprie monachorum erunt nec de hiis quicquam presbiter habebit Quisquis autem huic institutioni nostre sigillo nostro sollempniter confirmate deinceps in aliquo presumpserit contraire donec ad dignam emendationem venerit excommunicationis pene subdatur Testes inde existunt Hunbertus Lingonensis decanus Garnerius archidiaconus Fulco archidiaconus Pontius archidiaconus Hugo archidiaconus Girardus archidiaconus Actum est hoc anno ab incarnatione Domini MCLIIII indictione II epacta IIII concurrente IIII ciclo lunari XII Adriano Romano pontifice presidente Ludovico rege Francorum regnante Data per manum magistri Ergoti notarii feliciter III idus maii