Charter Document - 06340007

In nomine Patris et Filii et Spiritus sancti Amen Ego Robertus Lingonensis ecclesie episcopus religioso viro Roberto primo cenobii Molismensis abbati ejusque fratribus in perpetuum Sacram religionis vestre devotionem dignis in Xpisto laudibus commendantes vestre profectibus ecclesie instantius aspiramus Quecumque igitur beneficia a predecessore nostro bone memorie Rainardo Lingonensi episcopo et a fidelibus viris vestre donata sunt ecclesie et ab eodem episcopo cum consensu capituli Lingonensis sollempniter confirmata queque etiam nostris temporibus eidem ecclesie vestre donata sunt nos de communi capituli nostri consensu dicte ecclesie vestre in perpetuum possidendum concedimus et pontificali auctoritate confirmamus ipsum videlicet locum Molismi fundamentum et caput cenobii cum atrii dignitate quam tante libertatis esse decernimus ut non solum ibi sed et per omnes ecclesias vestras ad dyocesim nostram spectantes nullus in atriis earum nisi vos potestatem habeat aut justitiam et plenariam damus vobis libertatem sepeliendi in cunctis cymiteriis vestris quoscumque parrochianos qui non fuerint interdicti salvo jure capellani sui Confirmamus vobis ecclesiam Poilliaci cum omnibus appendiciis suis ecclesiam Sancti Desiderii infra muros Lingonice urbis cum appendiciis suis exceptis militaribus casamentis sicut canonici prius ibi positi libere possederant corpus quoque beati martiris ibi feliciter sepultum vobis id optinet dignitatis quod obeuntibus in civitate civibus cujuscumque fuerint parrochie nonnisi ibi pulsatur signum et ibi prius licet alibi tumulanda presentantur corpora missaque ibi cantatur a monachis cujus misse oblationes proprie sunt eorum nec ibi missam presbiter aliquis sine prioris et monachorum licentia debet celebrare preter quendam Herbertum qui unus fuit ex quatuor ejusdem loci canonicis qui solummodo quartum suum cum ibi cantat percipit et hoc ei in vita sua cum consensu vestro indulsimus post cujus obitum pars illa sine ulla contradictione ad juris vestri possessionem revertetur Adicimus quoque indulgentes tibi dilecte Roberte abba ut ipse pro tue religionis intuitu tuique successores de consensu capituli nostri Lingonensis et rogatu abbatum astantium Geronti videlicet Sancti Benigni Divionensis Stephani Besuensis Lamberti Pultariensis Hatonis Melundensis in synodo Lingonensi ad sinistram partem juxta episcopum sedeant et similiter in festo sancti Mammetis ad processionem incedant Confirmamus et vobis ecclesiam de Ispielent cum capella Divitis Burgi et ceteris appendiciis ecclesiam de Summostier cum appendiciis suis ecclesiam de Coyfei capellam de Nova villa ecclesiam de Vico ecclesiam Campaniaci ecclesiam de Stercis ecclesiam Acuti Montis ecclesiam de Gislomonte ecclesiam de Buxerolis cum appendiciis suis capellam Calvi Montis ecclesiam Agnelliville ecclesiam Bolonie ecclesiam Bordonis ecclesiam Sancti Lupi ecclesiam Granceii cum appendiciis suis ecclesiam Campiniaci et Ostricurtis cum appendiciis suis ecclesiam Eissoie cum appendiciis suis ecclesiam Merriaci cum appendiciis suis ecclesiam Britiniole cum appendiciis suis ecclesiam de Noiis cum appendiciis suis ecclesiam de Giverolis cum appendiciis suis ecclesiam de Vielli cum appendiciis suis ecclesiam de Ulmeto cum appendiciis suis ecclesiam Vacue Silve cum appendiciis suis ecclesiam de Lenti cum appendiciis suis ecclesiam de Loesma cum appendiciis suis ecclesiam Sancti Benigni de Bosco cum appendiciis suis ecclesiam de Solengneio ecclesiam Sancte Columbe cum capella Ville Martini ecclesiam Sancti Marcelli de Monte Lasconis vobis specialiter a nobis donatam pro anniversario nostro faciendo ecclesiam de Marcennaco cum appendiciis suis ecclesiam de Bisseio ecclesiam de Julleio cum appendiciis suis ecclesiam de Genniaco cum appendiciis suis ecclesiam de Chaunnaco capellam Villaris ecclesiam Ville Dei cum appendiciis suis ecclesiam Sextenniaci cum appendiciis suis ecclesiam de Noeriis cum appendiciis suis et capella castri superioris de Noeriis ecclesiam de Neella cum appendiciis suis ecclesiam Sancti Aniani de Tornodoro cum omnibus que ad parrochiam pertinent totius castri capellam Sancti Petri in eodem castro cum ceteris capellis ecclesiam de Colanno cum appendiciis suis ecclesiam de Floigneio cum appendiciis suis ecclesiam Artunnaci cum appendiciis suis medietatem ecclesie de Lentagia cum medietate appendiciorum ecclesiam de Cerisio cum capella ejusdem castri ecclesiam de Frasninis cum appendiciis suis ecclesiam de Chailiaco ecclesiam de Villanissa ecclesiam Stricheii cum appendiciis suis ecclesiam Sicce Fontane ecclesiam Albe Petre ecclesiam de Malla ecclesiam Insule desub Barro cum appendiciis suis ecclesiam de Verteolo cum appendiciis suis Harum itaque ecclesiarum vestrarum quas vobis ut prediximus predecessor noster confirmavit et nos presenti sigillo nostro vobis perpetuo possidendas confirmamus cum aliqua sacerdote vacaverit alium vobis idoneum eligendi et nobis ac successoribus nostris a vobis presentandi plenariam vos habere concedimus libertatem et ut vobis de beneficiorum vestrorum conservatione fidelitatem vobis publice in vestro faciat capitulo decernimus quin etiam vester sit deinceps justitiarius quantum ad temporalia pertinet Ad hec viri illustres Airardus Brinie comes Milo Barri super Sequanam comes itemque Milo Chacennaci dominus ad festum sancti Mammetis congregati vobis in presentia nostra perpetuo concesserunt in elemosinam possidendum quicquid de casamentis eorum et feodis in posterum vobis quibuslibet modis adquirere possetis adjecitque dictus Brinie comes concedens vobis perpetuo habere usuarium in nemoribus suis et ut quantum vobis opus fuerit ad ecclesie vestre et officinarum vestrarum constructionem ex eis capere vobis liceat Et nos eorum helemosinas coram nobis sollempniter factas presenti inserere confirmationi et rogatu eorum vobis in perpetuum possidendas decrevimus confirmare Quicumque autem hanc nostre confirmationis paginam irritare vel ei deinceps contraire presumpserit excommunicationi et divine subjaceat animadversioni donec resipuerit et ad emendationem venerit Testes sunt inde Amalricus decanus noster Lambertus thesaurarius et archidiaconus noster Jocelinus Hugo Warnerius Girardus archidiaconi nostri Actum hoc Lingonis in capitulo nostro publice in festivitate sancti Mammetis Paschali Romano pontifice presidente Philippo rege Francorum regnante anno ab incarnatione Domini MCIII indictione XI ciclo lunari XVIII Data per manum Duranni notarii