Charter Document - 06340005

Ego Robertus Dei miseratione Lingonensis episcopus venerabili Roberto Molismensis ecclesie abbati ejusque fratribus universis in perpetuum Sacrum vestre devotionis attendentes karissimi fervorem profectibus vestris pro debito officii nostri paterno affectu instantius aspiramus Inprimis itaque decernimus ut in cymiterio ecclesie vestre in qua regulariter degitis cui benedictionis munus juxta quod mete ipsius cymiterii in subsequentibus annotate declarant impendimus nullus aliquam preter vos terrenam habeat justitiam et eam similiter que nos de jure contingit episcopatus justitiam vobis de consensu Lingonensis capituli indulgentes libere et quiete concedimus perpetuo jure possidendam Cujus videlicet prima cymiterii meta ducit ad Vallem Godefridi secunda ad Sarcofagum tercia ad agros juxta virgultum abbatie quarta ad ulmum juxta stratam que ducit ad Tornodorum quinta ad stratam que ducit ad Anseune sexta ad stratam que ducit ad Castellionem septima quoque ad stratam que ducit ad Poltariense cenobium Sicut ergo infra metas has vestrum continetur cymiterium a justitia nostra liberum penitus et absolutum esse decernimus et utriusque justitie libertatem cymiterii scilicet et burgi vestri cum aliis ecclesiasticis beneficiis in sequentibus exprimendis pontificali vobis auctoritate et presenti sigillo nostro confirmamus Ecclesiam vero de Poliaco ab Arnaudo Sancti Petri Vivi Senonensis abbate et fratribus ejus in numero aliorum testium subscribendis ecclesie vestre sub annuo quinque solidorum censu natalibus apostolorum Petri et Pauli ecclesie eorum ab ecclesia vestra solvendo concessam vobis inquam Molismensibus confirmamus et de ipsa vos ecclesia investimus sicut idem Arnaudus abbas et fratres ejus apud Fontem Humosum in presentia domni Diamberti Senonensis archiepiscopi et nostra astantibus quoque Willelmo Cathalaunensi Burcardo Meldensi Hugone Autissiodorensi episcopis Willelmo etiam Nivernensi et Milone de Barro super Sequanam comitibus super jam dicta ecclesia se devestire curarunt Quicquid etiam servitii et justitie in alodio Molismensi in pratis scilicet et silvis in aquis decimisque et aliis milites casati cum uxoribus suis et progenie eorum habebant Hugo videlicet de Merlenniaco Regnaudus de Molismo Odo Paganus Guido Hugo de Corterron et uxor ejus Gersennis Odo de Furviaco Odo Engelbaudi filius sine retentione aliqua in manu mea disposuerunt pro salute animarum suarum et ego nichilominus laudantibus eis vos et ecclesiam vestram investire canonice curavi Preterea supradictus quinque solidorum annualis census sub tali conditione ad predictum terminum a vobis ecclesie Sancti Petri Vivi annuatim solvetur quod si die ipso festivitatis apostolorum forte non fuerit a vobis solutus de consensu predicti ejusdem ecclesie abbatis et fratrum suorum plene meruistis coram nobis optinere quod omni lege remota et dampno vestro emendam solummodo propter hoc eis reddetis Quia vero in predicta Poliaci ecclesia presentatio vestra est decernimus ipsum sacerdotem in posterum a vobis eligendum esse electusque a vobis sacerdos publice vobis in capitulo vestro beneficiorum vestrorum ad commodum ecclesie vestre conservandorum nec in ullo sibi deinceps contra vos et ecclesiam vestram usurpandorum fidelitatem jurabit et eum quidem extunc ita vobis obligatum vestrum erit nobis vel successoribus nostris presentare nostrum erit nostrorumve successorum cura animarum investire presentatum Nunc igitur que in eadem vobis ecclesia Poliaci cum sacerdote denuo proveniunt percipienda sunt hec omnium oblationum que per annum ad altare ejusdem parrochie quoquomodo offeruntur terciam quidem partem sacerdos vos autem duas percipietis partes similiter et de omnibus que ad prefatam ecclesiam pro sua dimiserint salute morientes terciam ut supradictum est partem sacerdos duas vero partes vos ipsi percipietis eandem percipere partem vestrum est in caritatibus que vestro fiunt sacerdoti quomodocumque ei a quolibet parrochiano suo fiant tricenariis quoque confessionibusque et reconciliationibus item in benedictionibus nubentium et ipsius sacerdoti procurationibus quotiens redimuntur itemque in omnibus que parvulis post baptisma recenter in albis obeuntibus percipiuntur terciam nichilominus partem sacerdos vosque duas habetis mediam vero vos et mediam sacerdos partem habebit in perali peregrinorum benedictione eorumque oblatione et in testamentis eorum terciam sacerdos vosque duas habetis partes Quicumque igitur huic confirmationi nostre in aliquo presumpserint deinceps contraire donec ad emendationem coram vobis advenerint excommunicationis pene subdantur Testes exinde sunt ex parte nostra Goscelinus Amalricus Lambertus Warnerius archidiaconi nostri Durannus notarius noster ex parte vero abbatis Sancti Petri Vivi Hulduinus Erlebaudus Eldradus Arnulfus Petrus Eraclius Letericus Walbertus Clarius Archembertus Guido Willelmus Dodo Hugo Isembardus Girardus Odo Gauterus Fulco Anselmus Acta sunt feliciter apud Senones anno incarnati Verbi millesimo centesimo primo indictione nona epacta octavadecima concurrente primo ciclo lunari sextodecimo Paschali secundo Romane urbis pontificium feliciter gubernante