Charter Document - 06331218
| Charter Number: | 06331218 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1112 - 1116 |
| Date type: | Assigned |
| Resource Link(s): |
|
Charter:
Memorie futurorum commendetur quod domnus Waudricus de Tollion qua die a Molismensibus monachis filii sui Lamberti monachationem impetravit eidem ecclesie Molismensi dedit ecclesiam de Crais parrochiam presbiteratum et capellam de castro et medietatem decime quam in sua tenebat dominicatura necnon et reliquam partem quam tenebant in vita sua de presbiteratu due moniales ejus filie post obitum earum concessit Molismensi monasterio Atrium supradicte ville sic libere dedit ut etiam infracturam vel violentiam factam in atrio si monachus Molismensis per se emendare nequiret ipse aut heres suus vice monachi justiciam faceret monachus wadem forisfacti susciperet ipso sine parte emendationis manente Dedit preterea terram duabus carrucis sufficientem cum terciis earumdem et ne earum jus alicui sibi vel alii aliquid servaretur concessit Concessit denique nemus suum predictis monachis ad comburendum et ad edificia construenda et porcos pascendos proprios si vero extraneos monachus adduceret porcos medietatem ipse juris eorum medietatem autem dominus castri haberet Dedit etiam monachis capitalem censum in hominibus sancti Germani et terram ipsius sancti sic tenendam concessit ut quilibet hanc excoleret monachis Molismi tercias redderet Dedit et corvatam jam dicte parrochie Testes sunt horum Guido de Tullione Rainaudus Pullus sororius ejus Rainardus ad Barbam et Galo de Alingis Robertus major et Benedictus et Bernuinus filius ejus et Walterius Tirellus Post mortem vero domni Guaudrici Gauterius major natu filius ejus dedit prefate sepius ecclesie pro vestitura fratris sui Lamberti Robertum servum suum de Segni et pro matre sua quam in prebenda et societate Molismensi posuit tradidit silvam Castellum vocatam in qua Martinus heremita morabatur Constanciumque et Thescelinum cum sorore sua Et quia idem monachus sicut postea fuit fieri cupiebat dedit pro se agrum Randuini et dimidium molendinum et Walterium Tirel cum omni domo sua et quartam partem in foreste Masignei quam Hugo de Montiniaco et socii ejus dederant Molismensi cenobio quia de se movebatur monachis confirmavit Corvatam etiam suam que est juxta viam que ducit de Crais ad chiminum Remigii quia jam eis vendiderat confirmavit molendinumque de castro Tullionis quod ab ipso Gauterio monachi emerant Horum testes sunt Ranardus ad Barbam Ranardus Pullus Gosbertus de Fraxino Benedictus cum filio