Charter Document - 06331200
| Charter Number: | 06331200 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1110 |
| Date type: | Internal, A.D. |
| Resource Link(s): |
|
Charter:
Ego Philippus Dei gracia Trecensis episcopus notum facio presentibus ac futuris quod reverendi viri domni Roberti primi Molismensis cenobii abbatis et fratrum suorum supplicationibus imploratus ecclesias cum omnibus que in nostra dyocesi predictum cenobium libera possidet laude et assensu capituli nostri eidem loco perpetuo permansura canonica auctoritate firmare decrevi Per presentis itaque privilegii cartulam confirmo et corroboro quicquid hoc idem Molismense cenobium in episcopatu nostro fidelium largitionibus hactenus acquisivit et in futurum sibi poterit sive per elemosinam sive per emptionem adquirere ita quod ratum deinceps et illibatum permaneat monachorum ejusdem cenobii usibus omnimodis profuturum pro quorum sustentatione predicte ecclesie collatum est a me et concessum salvo per omnia jure Trecensis ecclesie Interdico etiam ut nulli omnino hominum liceat ullam inferre violentiam vel injuriam prefato cenobio de ipsis ecclesiis et earum appendiciis quas hic annotare decrevi sicuti eas pro salute anime mee memorato cenobio collaudantibus ecclesie nostre canonicis publice ac sollempniter donavi ecclesiam videlicet de Fulcheriis cum appendiciis suis atrium de Bella Villa ecclesiam Sancti Patrocli ecclesiam Sancti Petri de Insulis capellam Sancti Theobaldi in eadem parrochia capellam de Longa Villa ecclesiam de Planteicio capellam de Nova Villa ecclesiam Sancti Hilarii ecclesiam Sancti Quintini Trecensis ecclesiam de Meriaco cum capella in eodem castro ecclesiam Sancte Marie ad Ulmos ecclesiam Sancti Martini ecclesiam de Stat ecclesiam de Paiaco cum appendiciis ejus ecclesiam de Nova Villa juxta Carrivillam ecclesiam de Semonia ecclesiam de Lesmont ecclesiam de Catalenta ecclesiam de Larcicurte ecclesiam de Bratiniaco ecclesiam de Radonisvillari capellam de Rosteria ecclesiam de Warnovillari ecclesiam Sancti Medardi ecclesiam de Curte Felici ecclesiam de Warcia ecclesiam de Villare Ursi cum appendiciis ejus ecclesiam de Aquerannis In hiis itaque ecclesiis Molismensis abbas sive ejus vicarii potestatem habeant cum vacaverint sacerdotes ydoneos eligendi et electos ab eis presentandi michi meisque successoribus ad curie spiritualis investituram ab eis per manum nostram suscipiendam qui etiam post curie susceptionem cenobium ipsum sicut justiciarii abbatis et fratrum ejus quantum ad temporalia spectat existentes adeant et publicam in capitulo fidelitatem de conservandis legitime in posterum reditibus earumdem ecclesiarum ad opus et commodum sepedicti cenobii Molismensis [faciant] Quicumque igitur hanc donationem meam et institutionem violare presumpserit nisi resipuerit et ad emendationem venerit a sacratissimo corpore et sanguine domini nostri Jhesu Xpisti sequestretur Ut autem magis ratum id in posterum habeatur proprio sigillo meo munio et confirmo testibus iis existentibus Girardo Drocone Petro et multi alii Actum est hoc publice Trecis et in capitulo nostro recitatum et sollempniter collaudatum anno ab incarnatione Domini MCX