Charter Document - 06331028
| Charter Number: | 06331028 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1089 - 1096 |
| Date type: | Assigned |
| Resource Link(s): |
|
Charter:
Notum sit cunctis fidelibus futuris et presentibus quod ego Willelmus comes Tornodorensis oppidi do et concedo Sancte Marie Molismensis ecclesie et ejusdem loci abbati nomine Roberto et fratribus sibi subditis ecclesiam Sancti Aniani que est in Tornodorense oppido sita cum omnibus appenditiis suis omnes videlicet decimationes tam grossas quam minutas oblationes quoque et sepulturas Finagium Sancti Aniani sic est divisum ab aliis primus limes est vetus semita a vineis de Morters usque ad Sanbuccum que dividit finagium Tornodori et Junai tendens usque ad molendinum de Dareme secundus limes a Frigido Fonte usque ad viam veterem et a via veteri usque ad viam que tendit versus Espinul tercius fossa Vallis Plane quartus nemus de Sanbuc quintus pomus puilosa sextus usque ad lacellum versus Dieium Silvam et terram et aquarum decursus cuncta scilicet ad ipsam ecclesiam pertinentia et capellam Sancti Petri cum ceteris capellis sicut canonici in eadem ecclesia antea optinebant et piscationem aque que dicitur Blimodis et salagium de mercato et virgultum meum et vinum Sancti Aniani vendere bando et quecumque sibi aliquo modo acquirere poterint in eodem monasterio Deo servientes sive de casamentis meis sive de quibuslibet aliis ad meum jus et dominium pertinentibus cuncta libere Sancte Marie in perpetuum trado Feci autem hoc domno Roberto Lingonensi pontifice annuente laudante quoque patre meo Willelmo Nivernensi comite tali conventione ut omni deinceps tempore a monachis anniversarius fratris mei Raynaldi et matris mee fieret Hujus donationis testes sunt Olricus vicecomes Wido filius Othmundi Walterius senescalcus Wido filius prepositi Wilenus de Domo Dei Bonus Amicus avunculus prepositi