Charter Document - 06331026

In nomine sancte et individue Trinitatis Ego Raynardus Dei gratia sancte Lingonensis ecclesie episcopus notum volo esse omnibus sancte Dei ecclesie fidelibus tam futuris quam presentibus qualiter Raynerius dominus Causeoli nostram adiens presentiam humiliter postulavit quatinus ecclesiam in honore beati Petri apostoli et sancti Gengulfi corporis dedicatam in loco qui dicitur Varennas sitam qui locus predicti corporis possessio fuisse dinoscitur pro remedio anime mee et sue antecessorumque suorum ecclesie Sancte Marie Molismensis concederemus Cujus justam petitionem benigne suscipientes cum consilio et laude clericorum nostrorum predictam ecclesiam cum decimis et oblationibus omnibus atrio et terra altaris et censualibus ad altare pertinentibus prelibate ecclesie Sancte Marie Molismensi perpetualiter possidendam concedimus eo scilicet tenore ut pro statu Lingonensis ecclesie Deum humiliter exorent et mei memoriam tam in vita quam in morte in suis orationibus cotidie habeant Addidit etiam predictus Raynerius huic nostre concessioni ut monachi inibi Deo servientes cum omni familia sua eamdem habeant libertatem quam et ipse et familia ejus Concessit etiam ut quicunque ibidem homines industria monachorum possent adtrahi libere et absolute ab eisdem monachis possiderentur retenta sibi potestatis infractura et nonnisi per justiciam monachorum facta Ubicumque autem homines ecclesie predicte terram inhospitatam et sine censu invenerint si ibidem habitare voluerint habitabunt retento tamen jure ministrorum et extunc libera et absoluta ecclesie remanebit quod si mansum illud seminatum fuerit semen vel seminis precium illi qui seminabit restituet Rustici vero in terra monachorum manentes nullam consuetudinem domino ipsius potestatis persolvent Concessit etiam eisdem monachis totius potestatis corvatam tam suorum hominum quam monachorum scilicet boum corvatam et collectionem segetum et pratorum Concessit etiam pasnagium omnium hominum monachorum et mellis inventionem in silvis excepto jure ministrorum et venationem preter porcum et cervum et faranum Ubicumque autem predicta venatio inventa fuerit licebit eis pro hospite vel infirmo fratre eam accipere [Ego autem Raynardus predictus pontifex ejusdem loci monachis concedo laude et assensu capituli intercursum absolute inter ecclesiam nostram et suam scilicet tali conditione si homines possessionis predicte venerint super nos vel super canonicos in pace remaneant Raynerius autem] Quicquid autem de casamento quod ad honorem Causeoli vel ad potestatem Varennarum pertineret quoquo modo possent adquirere libere et absolute possidendum concessit Permisit autem ut quicquid edificii ad suum usum proprium idem monachi in tota potestate facere voluerint in pratis vel molendinis vel ceteris quibuscumque edificiis absque alicujus contradictione permittatur Laudavit hoc totum et concessit dominus Raynerius de Nongento Laudavit hoc et concessit Ermengardis uxor domini Raynerii de Causeolo cum pueris suis Rogerio et Adelina Testes hujus rei fuerunt isti Amalricus decanus Goscelinus archidiaconus Robertus archidiaconus Girardus archid Varnerius archid Hugo archid item Raynerius ejusdem doni dator et Raynerius de Nongento ejusdem rei dator et laudator Paganus Berengarius Bernardus Et ne hoc prolixitate temporum a memoria tollatur presentibus litteris commendamus Et ut hoc ratum fiat sigilli nostri impressione corroboramus et firmamus Si quis autem huic operi vel dono contraire voluerit anathematis gladio feriatur et a sacratissimo corpore et sanguine Domini usque dum satisfecerit sequestretur Actum est hoc anno ab incarnatione Domini millesimo LXXXIIII indictione VII epacta XI Philippo rege Francorum regnante Lingonis Raynardo presule existente