Charter Document - 06330262
| Charter Number: | 06330262 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1140 - 1145 |
| Date type: | Assigned |
| Resource Link(s): |
|
Charter:
Notum sit tam presentibus quam futuris quod concambium quod Gauterius de Frasneio accepit a monachis Molismensibus pro medietate decime et atrii quam habebat in parrochia Rumiliaci illud scilicet quod ecclesia Molismensis habebat in corveia de Frisun et terram de Spina et quod Adelina habebat in molendinis de Remillei et quod habebat in manso Gisonis et Teoderici et duodecim denarios censuales quos habebat in prato de Remillei et quod ecclesia Molismensis habebat in suo dominicatu in Villa Mediana excepto hoc quod pertinet ad ecclesiam de Fulcheriis in presentia Bernardi abbatis Clare Vallis domnus Giraudus abbas fecit laudante capitulo Molismensi Hoc etiam Atho episcopus Trecensis laudavit et Manasses de Rumilleio archidiaconus interfuit et Bernardus abbas Clare Vallis audivit et Guido comes Barrensis et Gauterius de Frasneio adfuit Preterea istud concambium comes Teobaudus confirmavit et hoc Gauterius de Bernon audivit Albericus etiam Crassus Hugo Fauchez Arnulfus de Vilex Sciatis etiam quod Otrannus Gasteblez de quo Gauterius illud tenebat ecclesie Molismensi concessit attestantibus Hugone Becart Raaudo de Lanis Avino famulo Hoc concambium confirmavit Humberga uxor Gauterii Theobaudus filius ejus Adelina filia sua Matholda et Galia Ubi etiam capitulum Molismense istud confirmavit affuerunt Hugo Fauchez Garnerius Milo de Froisuns Hildierius prior Guillelmus Richerius cellerarius Herbertus Leonardus Godefridus miles Ricardus Visez Enoldus