Charter Document - 06330252
| Charter Number: | 06330252 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1108 - 1125 |
| Date type: | Assigned |
| Resource Link(s): |
|
Charter:
Sanctorum patrum auctoritate necnon et autenticarum scripturarum attestacione indubitanter didicimus altaris sacri ministros cujuscumque institucionis sint fidelium laicorum elemosinis debere sustentari et ecclesiasticas res in necessarios usus congregationum expendendas facta collatione sub adnotacione testium ipsa jam consuetudo docet de die in diem amplificari Hinc et enim Paulus ait Si nos vobis spiritalia seminavimus magnum est ut et nos carnalia vestra metamus Quapropter successorum nostrorum memorie hujus cartule testimonio insinuare curavimus quod Robertus filius Widonis de Wainulriaco moriens a fratre Hilberto Molismensi priore visitatus sompedem suum id est dextrarium equum magni precii et mirabiliter bonum fratribus Molismensis ecclesie pro anima sua donavit Sed cum donna Beatrix defuncti Roberti genitrix conqueri cepisset quod sine magno periculo talis equus a monachis custodiri non posset Wido minor filius a matre sua et a predicto priore expetiit quod libentissime eum emeret et quod suum equum et vineam quam apud Suncurtem habebat valde bonam pro illo monachis daret si ipsa et genitor suus domnus Wido concedere vellent Dato itaque utriusque parentis assensu predictus Wido equum suum et vineam suam et pressorium in eadem vinea situm et necessaria vascula monachis tradidit et equum quem frater suus illis dederat retinuit Donavit quoque domnus Wido pro anima filii sui Roberti et pro remissione peccatorum suorum Molismensibus monachis duos servos ut ipsius vinee procuratores et putatores essent quos se restaurare promisit si vivente illo mori illos contigerit Predictis quoque monachis donavit idem Wido duos jornales terre juxta predictam vineam in quibus si ipsi vellent hospites ponere libere concessit hospitandi licentiam