Charter Document - 06330245
| Charter Number: | 06330245 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1093 - 1100 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus sancti Amen Notum sit omnibus futuris et presentibus quod Hugo de Marriaco dedit ecclesie Molismensi omne allodium suum quod habebat Rosnaci et exinde sedecim libras accepit eo videlicet pacto ut si ipse aut frater ejus a via Jherosolimorum reverteretur et supradictam peccuniam redderet eumdem allodium tantum in vita sua possideret post mortem autem suam in jus monachorum ex toto rediret Si autem uterque frater in via moreretur monachi ut jam dictum est Molismenses ipsum totum possiderent Comes autem Hugo Trecensis qui in ipso allodio consuetudines accipiebat eo quod predictum allodium jamdictus miles dabat ecclesie Molismensi eas omnino indulsit Hujus doni testes existunt idem comes episcopus Catalaunensium Philippus Dudo vicedominus Ayrardus comes Brinensis Walterius de Dungione Gaufredus filius Otranni Gislebertus Brito Anserius de Rosnaco Odardus filius Fulberti Hoc audierunt Fucridus et Walterius servi Hugonis Cum autem utrique fratres Hugo videlicet et Ansellus Symon quoque consanguineus eorum cum ipsis in viam Jherosolimitorum pergerent transitum habuerunt per Larzicurtem atque in domo monachorum pransi sunt ibique domnus Symon laudavit hoc quod ipse fecerat donum de supradicto allodio Rosnaci Hoc denique domnus Evrardus prior Larzicurtis et Fucridus et Walterius servi sui et Hyngo audierunt et testes sunt