Charter Document - 06330235
| Charter Number: | 06330235 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1116 |
| Date type: | Assigned |
| Resource Link(s): |
|
Charter:
[In nomine domini Jhesu Xpisti] Notum sit omnibus tam futuris quam presentibus quoniam ego Stephanus Heduorum humilis episcopus casamentum Tullionis castri in pace tenens quod emeram et erat ecclesie Sancti Nazarii adierunt me fratres ecclesie Molismi scilicet abbas Wido et alii cum eo petentes ut concederem ea que antecessores castri Tullionis beneficia ecclesie Molismensi pro remedio animarum suarum prius concessissent ecclesiam scilicet de Cras et presbiteratum et cetera que in illius ecclesie Molismensis cartis continentur Visum est autem nobis peticioni eorum annuere et concessimus eis in capitulo Sancti Nazarii ipso die sollempnitatis ejusdem martyris que prius ibidem tenuerant et cuncta que prius monachis Molismensibus data fuerant Insuper et ecclesiam de Frolex quam diu tenuerant eis in eodem laudavimus capitulo his ejusdem ecclesie canonicis videntibus et laudantibus Sewino decano Gauterio de Glana archidiacono Hubaudo archidiacono Anserico preside Gisleberto magistro Lamberto dapifero Hugone de Glana et aliis quamplurimis retento jure Heduensis ecclesie