Charter Document - 06330223
| Charter Number: | 06330223 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1111 - 1115 |
| Date type: | Assigned |
| Resource Link(s): |
|
Charter:
Quoniam labilis est humane mentis intencio et oblivioni multocies obnoxia quandam largicionem Deo et Sancte Marie Molismensi factam voluimus litterali memorie commendare ut ad posterorum nostrorum noticiam valeat perdurare quatinus si quis diabolico instinctu quod sollempniter actum est aliqua dolositate voluerit pervertere his apicibus et subscriptis convictus testibus vires nocendi non habeat et utilitas ecclesie inviolata permaneat Ego igitur Theodericus Dei gracia dux Lotheringie credens misericordie operibus cuncta peccatorum incendia facile restingui Dominique graciam talibus hostiis benignius promereri posse cupiens etiam ex iniquo mammona amicos michi in futuro preparare trado et concedo Sancte Dei genitrici Marie et fratribus sibi in cenobio Molismensi servientibus ecclesiam que est coram Nanciaco castro meo cum omnibus appendiciis suis quam de meis reditibus ad utilitatem et proficuum predicte ecclesie Molismensis edificare disposui tam pro salute corporis et anime mee et uxoris et filiorum meorum quam etiam pro remedio patris et matris et omnium parentum meorum laudante uxore mea et omnibus liberis meis concedente etiam domno Pibone episcopo Tullensi cujus concessionis evidentissima constant indicia quod sua gracia meis imploratus precibus altaria ejusdem ecclesie cum cimiterio consecravit presente domno Stephano Tullensi archidiacono Hanc traditionem sive concessionem tempore domni Roberti primi Molismensis abbatis primo feci et iterum tempore domni Widonis abbatis secundi renovans confirmavi et subscriptis testibus atque fidelibus tradidi roborandam S ducis Theoderici S Theoderici advocati S Wildrici fratris ejus