Charter Document - 06330205
| Charter Number: | 06330205 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1111 - 1130 |
| Date type: | Assigned |
| Resource Link(s): |
|
Charter:
Quoniam labilis est humane mentis memoria et oblivioni plerumque obnoxia idcirco ego Odo de Buxo et Evrardus nepos meus quandam largitionem Deo et ecclesie Molismensi a nobis factam voluimus huic paginule inserere quatinus quod meus per se non valet litterarum suffragio retinens ad posteros transmittat et malivolos quosque qui hanc infringere quoquo modo voluerint veraci testimonio refellat Ego igitur Odo de Buxo providens mee saluti et monachorum quieti laudante et consentiente uxore mea Adelina necnon et concedentibus omnibus liberis meis gratanti animo et spontanea voluntate trado et concedo Deo et Beate Marie et ecclesie Molismensi totam portionem quam possidebam in possessionem que vocatur Granciacus super Uxam in omni usu et justicia et in justo vel injusto redditu in terris silvis pratis et aquis et in omnibus appendiciis nichil michi vel futuris heredibus meis in predicto fundo retinens sed cuncta jure perpetuo predicte ecclesie tenenda et profutura concedens Huic voluntati simili devotione assentiens ego Evrardus nepos predicti Odonis concedentibus fratribus meis et Rainerio canonico et Rocelino meam similiter partem ejusdem possessionis predicte ecclesie trado et concedo plenarie monachis in omni usu profuturam ab omni heredum meorum calumpnia liberam et quietam preter proprios meos homines in eadem villa commorantes non jure possessionis sed capituli jure michi deinceps servituros Et ut hec nostra tradicio firma et inconvulsa permaneat manu propria firmamus et subscriptis testibus corroboramus ille et ille et ille Item ego Odo et uxor mea Adelina laudantibus etiam filiis meis Milone et Raerio pro anima filii mei Odonis die qua sepultum est corpus ejus in ecclesia Molismensi concessimus eidem Molismi ecclesie quicquid habebamus in atrio Montis Latisconii et in annatio et in minutis decimis preter quod unam aream michi in predicto atrio retinui concessimus etiam usuarium ad omnes usus monachorum in silva de Buxo Hujus concessionis testes sunt isti Iterum ego Milo et ego Raerius filii predicti Odonis hec omnia supradicta que pater noster dederat et in predicta villa Granciaco et in suprascripto atrio nos etiam pro anima fratris nostri laudamus et manu propria firmantes his testibus roboramus Norjoldus miles Wilelmus decanus Gothefridus de Molismo Guillelmus de Maise Aduinus Henricus Warnerius