Charter Document - 06330202
| Charter Number: | 06330202 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1115 |
| Date type: | Internal, A.D., Calendar, Episcopal, Feast, Papal, Regnal |
| Resource Link(s): |
|
Charter:
Quod a sanctis et illustribus viris Deo devotis pietatis affectu exigitur id absque dubitationis dilatione cum mentis sinceritate complere debemus effectu quatinus et eorum in bonis crescat devocio et caritatis et utilitatis exhibite nobis cumuletur incompensatio Domnus enim Guillelmus prior Sancte Marie de Domo Domini de Firmitate Gualcherii ceterique monachi ejusdem loci ex parte Guidonis venerabilis abbatis et totius conventus Molismensis ecclesie me Manassem Meldensis ecclesie inmeritum pontificem adierunt sub obtentu pietatis expetentes et deprecantes quatinus ecclesias illas quas de manu laicali per manum meam acceperant eisdem meo firmarem privilegio et quicquid ulterius in eisdem ecclesiis clericalis sive laicalis per manum Meldensis episcopi eisdem fratribus traderet devocio Ego igitur Manasses Meldorum inmeritus episcopus eorum peticioni annuens per hujus mei privilegii cartulam ad laudem et concessionem archidiaconorum et canonicorum nostrorum firmo eis et ecclesie Molismensi que superius expetierunt scilicet ecclesiam illam Beate Marie sitam ante Firmitatem Gualcherii ubi prelibati monachi conversantur et ecclesiam Beati Bartholomei de Capella et ecclesiam de Beloy et ecclesiam Sancti Petri de Goy juxta Firmitatem Gualcherii et dimidiam ecclesiam de Catherongis et illam partem terciam quam habent in ecclesia Sancti Romani de Firmitate Gualcherii et quod habent in ecclesia Sancti Martini de Boseth videlicet sextam partem omnium decimarum et sextam partem tortellorum et duas partes sepulturarum de Boseth et terciam partem decimarum annone et duas partes minutarum decimarum de ecclesia [de] Amilliis et duas partes sepulturarum et duas partes tortellorum et terciam partem census atrii Firmo etiam eis quicquid in prelibatis ecclesiis clericalis persona sive laicalis tradet eis per manum Meldensis pontificis Hec inquam omnia trado eis et concedo firma et illibata salvo tamen jure salvis consuetudinibus et reditibus et subjectione Meldensis episcopi Si quis autem huic privilegio nostro per aliquam temeritatem contraire voluerit secundo terciove commonitus nisi satisfactione congrua emendaverit sancti Spiritus gladio feriatur et a liminibus sancte ecclesie sequestretur Actum hoc et corroboratum Meldis in die Inventionis sancti Stephani que est III nonas augusti in ecclesia Beati Stephani anno dominice incarnationis MCXV indictione VIII concurrentibus IIII epacta XXIII pontificatus Paschalis pape anno XVIII pontificatus Manasse episcopi XIII regni vero Ludovici regis anno VIII principante Theobaldo comite anno VII anno XXIII constitucionis ecclesie Beate Marie de Domo Domini Ecce persone subscribuntur quarum testimonio carta hec roboratur S Manasse Meldensis episcopi + S Adam archidiaconi S Manasse archidiaconi S Raineri decani S Tebaldi precentoris + S Burdini prepositi + S Gisleberti prepositi + S Odonis presbiteri S Vitalis presbiteri S Gisleberti diaconi S Lamberti diaconi S Stephani diaconi + S Barduini diaconi + S Stephani subdiaconi + S Odonis subdiaconi + S Wilbaldi subdiaconi + S Rainaldi subdiaconi + Balduinus cancellarius scripsit et subscripsit