Charter Document - 06330199
| Charter Number: | 06330199 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1114 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Guillelmus Cathalaunensis episcopus In sancte religionis proposito Deo famulantium vota debemus amplecti queque sunt eorum usibus attributa ut libere et quiete ab eis possideantur summo studio providere Propter quod presentis scripti memoria omnibus sancte matris ecclesie filiis decrevimus intimandum qualiter Molismensis ecclesie venerabilis abbas Guido nostram adivit presentiam suppliciter expostulans ut concessas antiquitus eidem Molismensi ecclesie decimas et altaria in nostro utique episcopatu existentia prefate ecclesie nostre concessionis scripto roborata perpetuo possidenda firmaremus Cujus peticioni consentientes assentiente et collaudante Elberto archidiacono que postulaverat Molismensi ecclesie perpetuo habenda concessimus in villa que Fera Campestris appellatur ecclesiam unam cum capella Aquatici ejusdem prefate ecclesie appendicia item in villa que Baia vocatur ecclesiam unam capellam quoque que est ad fontem de Lusineio altare etiam in villa que Onia appellatur Hec omnia prefate Molismensi ecclesie concessa firmamus salvo in omnibus episcopali jure et sacerdotum in eisdem ecclesiis Deo servientibus ab antiquitate constituto ita videlicet ut singulis annis in sancta Cathalaunensi synodo prior ecclesie Beate Marie que est apud Ulmos omni remota occasione preter canonicam se presentem exhibeat pro ecclesiis de Fera et Aquatico responsurus Similiter et prior celle que est apud Peiacum pro ecclesiis de Baia et Onia in eadem synodo quotannis se presentare curabit Si vero aliquis hec vel immutare vel infringere presumpserit Spiritus sancti judicio anathematis animadversione multetur S Elberti archidiaconi S Odonis S alterius Odonis S tercii Odonis archidiaconorum S Rogeri thesaurarii S Warneri cantoris S Petri S Hairici S Henrici presbiterorum Actum Cathalaunis anno incarnati Verbi MCXIIII indictione VII regnante in Gallia venerabili Francorum rege Hludovico domino Guillelmo Cathalaunis episcopo Rainaldus cancellarius scripsit et subscripsit