Charter Document - 06330178
| Charter Number: | 06330178 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1095 - 1110 |
| Date type: | Assigned |
| Resource Link(s): |
|
Charter:
Notum facio omnibus futuris et presentibus quod Otho de Riciaco dedit Deo et Sancte Marie Molismensi fratribusque in loco illo illis servientibus omnem hereditatem suam quam habebat in villa que vocatur Velenosa in terris et in silvis favente matre sua fratreque Rotberto et ceteris consanguineis ejus Dedit etiam quendam servum nomine Robertum mediamque partem infantum ipsius et unum molendinum Pro hac itaque largitione predictus miles accepit caritatis gratia centum solidos a domno Roberto qui eo tempore custos erat ecclesie Hujus rei existunt testes Milo comes de Barro Ricardus filius Aganonis Wido Bartholomeus et Ansellus sororius ejus testes fideles et devotissimi laudatores necnon et uxores eorum cum filiis et filiabus Postea dedit presbiteratum ecclesie Vertelli concedente fratre suo Roberto Testes sunt ex hoc suprascripti et ex familia nostra Gwilelmus de Maseio Henricus famulus abbatis Avinus Johannes de Avireio Warinus de Poile