Charter Document - 06330174
| Charter Number: | 06330174 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1100 |
| Date type: | Assigned |
| Resource Link(s): |
|
Charter:
Notum fieri volumus tam futuris quam presentibus quod Rainaudus de Firmitate filius Evrardi et uxor ejus Letuidis dederunt Sancte Marie Molismensi presbiteratum de Vacua Silva et presbiteratum de Lentiliaco cum censu atrii annuente Acelino qui eum tenebat et quicquid de decima habebant in suo dominicatu et furnum ejusdem ville ita ut alius furnus in ipsa villa non habeatur et unum mansum usque in publicam viam cum atrio usque ad ecclesiam Sancti Martini et de furno totam terram usque ad aquam et usque ad pontem et totam terram que ibi constat et uxorem Nocherii de Granceiaco et allodium de Garnumvillare Hanc donationem annuit Rainaudus qui postea uxorem dicti Rainaudi de Firmitate post mortem ejus accepit coram testibus istis Widone presbitero Hugone Crinuto Teobaldo Acelino et Hugone de Ulmeto et Goncelino Lamberto militibus et de mancipiis Gisleberto preposito et Andrea Abbas autem dedit eis propter hoc beneficium sotietatem Sancte Marie Molismensis