Charter Document - 06330172
| Charter Number: | 06330172 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1076 - 1100 |
| Date type: | Assigned |
| Resource Link(s): |
|
Charter:
Notum sit omnibus futuris et presentibus quod Arnulfus de Saliva pro salute anime sue et uxoris ejus et filiorum suorum dedit Deo et Sancte Marie Molismensi presbiteratum ecclesie Sancti Benigni scilicet babtisterium offerendam et sepulturam et omnem minutam decimationem et medietatem annone et medietatem justicie atrii Ex ipso vero atrio monachis et sibi servientibus quicquid opus eis fuerit ad habitandum l[ibere] absque exceptione concessit Hujus rei testes existunt Nocherius de Granceio Wido archipresbiter de Escalo et Gaufredus prepositus Dedit preterea isdem Arnulfus fratribus Molismensibus post unum annum quod monachi in loco supradicto habitare ceperunt omnem terram Sancti Benigni eo tenore ut quotannis pro ipsa terra reddant ei vigilia Natalis Domini censum duorum solidorum