Charter Document - 06330150
| Charter Number: | 06330150 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1093 - 1111 |
| Date type: | Assigned |
| Resource Link(s): |
|
Charter:
Notum sit omnibus futuris et presentibus quod Odo filius Rocelini et uxor ejus Hermensendis soror Hugonis et Gaufredi de Monteniaco concesserunt Sancte Marie et ecclesie Molismensi allodium suum de Lingeio tam pro suis quam pro predecessorum suorum animabus quod scilicet allodium Molismensis ecclesia multis annis libere et absque calumpnia tenuit Interea surrexit quidam miles Walterius filius Rainardi de Ecclesiolis qui eamdem terram calumpniatus est et multis calumpniis se ut dicebat exheredatum conquerebatur De qua re placito multotiens habito cum nulla suam rectitudinem re vel monachorum tortitudinem demonstrare potuisset tandem domnus Rotbertus abbas Molismi pro pacis caritatisque custodia medietatem ipsius terre illi in vita sua concessit non aliquo hereditario ipsius jure exigente sed sola concordie bonitate ita tamen ut post ejus decessum fumdus ipse ad ecclesiam rediret et nullus heredum suorum in eo aliquid proclamare deberet ipso Walterio hoc ipsum gratanter concedente Factum est hoc in claustro Fulcheriensis ecclesie per manum domni Gaufredi senecaldi qui talis concordie inter nos et ipsum mediator exstitit Huic conventioni interfuerunt testes isti ex parte Sancte Marie Milo de Villa Mediana Herbertus filius Rainardi Arnulfus de Cappis Bovo de Cappis ex parte Walterii Walterius de Monteniaco Isembardus de Avireo et fratres ejus Constantius Atho et Teodericus