Charter Document - 06330140
| Charter Number: | 06330140 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1107 - 1111 |
| Date type: | Assigned |
| Resource Link(s): |
|
Charter:
Notum sit omnibus fidelibus tam futuris quam presentibus quod ego Lodovicus de Baiz pro remedio anime mee et antecessorum meorum dono Deo et Sancte Marie Molismensi quicquid habeo a flumine qui vocatur Bierz usque ad flumen quod vocatur Chamberona in pratis in campis in vineis in domibus in casalibus in nemoribus in aquis aquarumque decursibus totum usque ad exquisitum Insuper etiam dono quicquid michi pervenire debet de terra Pontionis consanguinei mei Hujus rei testes sunt Aloldus Marrons Lambertus decanus Willelmus Genevensis