Charter Document - 06330137
| Charter Number: | 06330137 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1085 - 1101 |
| Date type: | Assigned |
| Resource Link(s): |
|
Charter:
Notum sit omnibus quod Robertus Lingonensis episcopus concessit Deo et Sancte Marie et ecclesie Molismensi ecclesiam de Insula id est presbiteratum et quicquid ad altare pertinet que villa in territorio Barrensi super Albam fluvium sita est Post hec Petrus filius Bosonis de Ulvilla intulit calumpniam Molismensi ecclesie de predicta ecclesia dicens sibi eam antiquitus esse concessam a domno Rainardo Lingonensi episcopo Cujus discordie causa licet in publica Sancti Mammetis curia fuisset coram episcopo et proceribus ejus subtili examinatione discussa et tam ab episcopo quam a judicibus jus Sancte Marie fuisset recognitum tandem ut hoc malum aliquando terminaretur talem concordiam inter se fecerunt ut monachi Molismenses medietatem ipsius ecclesie liberam possiderent et predictus Petrus alteram medietatem ad suos usus in vita sua haberet ita ut post mortem suam nullus heredum in ipsa ecclesia aliquid jure hereditario possideret vel proclamaret Testes sunt ex hoc Radulfus de Tors Radulfus major Aurencus Andreas Rainerius famulus domni abbatis Hic adnotantur nomina eorum militum qui pro salute animarum suarum dederunt Deo et Sancte Marie et ecclesie Molismensi piscationem quam habebant in molendinis de Insula subtus Barrum Hilbertus Wigerius Walterius Rainerius Milo Henricus Bergarius cum laude uxoris sue de cujus capite erat Wido filius Mortis et omnes alii heredes qui in hac piscatione partem habebant