Charter Document - 06330111
| Charter Number: | 06330111 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1103 - 1111 |
| Date type: | Assigned |
| Resource Link(s): |
|
Charter:
Quoniam litterarum testimonium multum fidele est et ad comprobandam rerum gestarum veritatem satis laudabile iccirco quandam largitionem Sancte Marie et ecclesie Molismensi factam voluimus litteris inserere ne quis aliqua surripiente malicia quod fideliter factum est qualibet dolositate valeat pervertere Notificetur igitur cunctis presentibus et futuris quod ego Gosbertus dominus de Merlennaco superna permissione corporali constrictus infirmitate pro peccatorum meorum remissione et etiam pro animabus patris mei Nivelonis et avunculi mei Widonis de cujus beneficio hoc michi excidit laude et assensu uxoris mee Sibile nomine fratrisque mei Nivelonis trado et concedo Deo et Sancte Marie et ecclesie Molismensi per manum domni R abbatis quicquid in allodio Artunnaci habeo nam ceteras partes eadem ecclesia concessione antecessorum vel parentum meorum jam possidet Hoc ergo quod ego in ipso allodio possideo sine ulla retentione Sancte Marie Molismensi ut dictum est contrado in terris cultis vel incultis silvis et pratis et in omni consuetudine vel usu preter quod illam partem quam in servis vel ancillis meis habebam in vita mea tantum retineo illam etiam portionem terre quam Ingirbertus servus meus ad suum tenamentum divisam in eodem allodio possidebat in hac donatione sicut et aliud allodium pono Hoc autem facio sine ulla pretii taxatione vel peccunie denominatione preter hoc tantum si in Jherusalem ire voluero quod de bonis ecclesie convenientem caritatem dabunt michi in adjutorium itineris mei et hoc non in meo sed in abbatis et fratrum ejus erit arbitrio et voluntate et eorum quos ad hoc consilium rationabiliter voluerint adjungere Concedo etiam et promittens devoveo me et uxorem meam ubicumque in hac regione obierimus apud Molismum in atrio Sancte Marie nos esse humandos et donec vivimus promittimus nos predictam ecclesiam et res ejus diligere servare et multiplicare velle ita ut unum ex filiis nostris Deo et Sancte Marie ad sibi serviendum sub monastica disciplina in eadem Molismensi ecclesia domno Roberto abbati et monachis ejus tradiderimus Ut autem hec nostra traditio firma et inconvulsa perpetuo maneat manu mea firmo et ad corroborandum audientes et videntes testes legitimos adhibeo S Clarinbaudus de Capis S Hugo de Planceiaco Walterius de Montennaco S Raynaldus de Rubeo Monte S Bovo de Merlaennaco S Iterius Carduus S Lesceninus Melondensis Walterius de Ecclesiolis Herbertus de Luparia Gocelinus prepositus Rainbaldus de Artumnaco + Signum Gosberti + Signum Sibille uxoris ejus