Charter Document - 06330099
| Charter Number: | 06330099 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1111 |
| Date type: | Assigned |
| Resource Link(s): |
|
Charter:
Ego Girbaudus summis precibus Rotberti abbatis Molismensis obsecratus ut Deo et Sancte Marie Molismensi totum vel saltim partem allodii mei quod Villare appellatur pro salute anime mee darem assensum prebui et partem mediam ipsius allodii dedi eis in silvis in pratis in aquis in cultis et in incultis et molendinis et in omnibus attinentibus ad illud tali conditione ut ipsi monachi multum de edificatione et constructione ipsius loci laborarent et carrucam boum inter me et ipsos ibi construerent si quis autem boum deterioraret vel moreretur de communi restauraretur Hoc autem tali pacto concessi ut in invicem fides servaretur et nullo modo aliqua terre portio supradicte nisi ego vellem separaretur ut per partem eorum pars mea salvaretur et cresceret ut et pars mea post obitum meum eorum esset et totum allodium ipsum in jus ecclesie Molismensis post mortem meam rediret Hujus rei testes sunt Girbaudus et filii ejus Hermannus Girbaudus Wigelmus Obbertus Wido Frotmundus Wigelmus