Charter Document - 06330096
| Charter Number: | 06330096 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1096 - 1148 |
| Date type: | Assigned |
| Resource Link(s): |
|
Charter:
Cunctis Xpisti fidelibus fiat cognitum quod ego Girbertus cappellanus de Commarciaco Molismensi ecclesie fideli societate me sociavi eamque ob spem eterne retributionis omnium bonorum meorum heredem taliter institui Ego namque peccatorum meorum recordatione compunctus Molismum petii in conventu fratrum me cum meis omnibus in manus abbatis tradidi tali ratione et conventione ut si contigerit quod in clericali habitu vitam finiam presentem medietas mobilis substancie mee Molismo deferatur altera pars fratribus Commarciaco manentibus reddatur Si autem Dei inspiratione aliquando suscipere voluero monachilem habitum fratres me in suum recipient consortium totaque mea mobilis substantia mecum deferatur ad monasterium Et quamdiu ad curiam vel mensam dominorum castri manducare voluero tamdiu ecclesias meas in mea proprietate habebo cum autem illorum curia vel mensa non placuerit magisque mense fratrum vel refectioni sociari libuerit ecclesiarum mearum annonas et panes oblationum in communi cellario fratrum pro meo victu dabo denarios pro meo vestitu vel necessariis ceteris michi retinebo Sed et hoc volo ut non lateat quia fratres partem quam habebant in ecclesia cum laude capituli michi in vita mea tenendam concesserunt ita videlicet ut per singulos annos duodecim persolvam denarios ob recognitionem in festivitate sancti Johannis Baptiste