Charter Document - 06330095
| Charter Number: | 06330095 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1077 - 1090 |
| Date type: | Assigned |
| Resource Link(s): |
|
Charter:
Tempore illo quo primum Girardus filius Haymonis Rufi de Castellione supra Sequanam venit ad conversionem in cenobio Molismensi ut monacus efficeretur annuente predicto Haymone patre ejus dedit Deo et Beate Marie semper virgini et fratribus prefati loci hereditatem suam quam apud Insulam subtus Barrum super Albam flumen et quam apud Malinvillam habebat in servis et ancillis in terra et vineis in nemore et in pratis et ubicumque aliquid hereditatis habebat Ex hoc testes existunt Nivelo de Cacennaco Widricus de domo Dei que apud Castellionem est et Burdinus frater Widonis de Larriaco Tres namque fratres avunculi ipsius Girardi monachi id est Boso de Urivilla et Stephanus et Paganus hoc quod fecerat donum in presentia comitis Teobaudi domini ejusdem regionis scilicet Barrensis et ante omnem curiam ejus libentissime concesserunt Unde etiam testes sunt Wido de Wannundrico et Hugo Malora atque Hugo Reversatus