Charter Document - 06330089
| Charter Number: | 06330089 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1089 - 1102 |
| Date type: | Assigned |
| Resource Link(s): |
|
Charter:
Notum sit omnibus hominibus viventibus et futuris regnante rege Philippo et Stephano comite quod dominus Wacherius Sancte Marie Molismensi Domum Dei et basilicam et terram que pertinet ad ejus ecclesiam et quam in circuitu habebat distribuit Et ita ut in libertate semper sit quod si homines illuc pro hospitalitate advenerint et domos fecerint neque ille neque ministri quicquam accipiant neque consuetudinem cujuscumque ibi habeant Et si aliquis clericus vel miles vel servus vel de domo sua famulus vult pro anima sua aliquid dare vel monachus devenire et terram vel pecuniam suam totam dare concedit Et Otredus miles unum jornalem vestitum et pratum unum quod est in Dolcte et post decessum totum Rotbertus Rufus VI jornales terre istis atestantibus Burdinus Robertus Raynardus Rainaudus miles et Hugo filius ejus Teotbaudus filius Teobaudi Robertus Rufus Elias filius Roberti qui dedit sextarium frumenti omni tempore Burcardus de Casneio Rainbaudus filius Milardi Richelmus de Campo Almeio Joneins dapifer Bertrannus qui dedit terram Hugo de Cornellon Azo de Parisio Gundinus scutarius et frater suus Fulco et Hugo Joculator Albricus Preciosus Bovo de Porta Benedictus tennarius Wilelmus Migar Guntelmus et Deodatus filius ejus Miles etiam Walcherius usuarium nemoris ubicumque et ad porcos pascendos et ad totum illorum usuarium Ansculfus hospitem unum et decimam de corveiis de Chatroges dedit Teotbaudus filius Teotbaudi sex jornales terre dedit Rainbaudus filius Oelardi sex jornales terre dedit Ainerius Munerius I sextarium frumenti per totum tempus ad Pentecostem dedit Hugo Joculator et uxor sua dimidium modium frumenti per totum tempus Heldicus Paons sex denarios de censu per totum tempus Helisabet quoque quedam domina dedit quartam partem de ecclesia in cujus parochia locus ipse situs est supradicto Waucherio laudante et Rainaldus miles dedit duos jornales de terra