Charter Document - 06330079
| Charter Number: | 06330079 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1111 |
| Date type: | Assigned |
| Resource Link(s): |
|
Charter:
Quia teste beato Johanne ewangelista mundus in maligno positus est et instigante diabolo bonorum omnium inimico plurimi in seculari vita degentes exardescente cupiditate que radix omnium malorum est bona vel que ipsi vel que alii pro salute animarum suarum faciunt obliviscuntur ideo notitie omnium fidelium tam futurorum quam presentium per litteras intimare curavimus donum quoddam quod Elisabeth soror Hugonis de Bullo Monte fecit Molismensi ecclesie Veniens namque memorata mulier cum unico filio parvulo Odone nomine in jam dicto loco seculum funditus derelinquens eundem filium suum Deo obtulit ut cum aliis fratribus in monachico habitu in Dei servitio sancteque ejus genitricis Marie assidue permaneret et ipsa cum aliis mulieribus in loco eodem postpositis omnibus seculi curis religiose viveret Cumque hoc devota mente ad perfectum perduxisset providens ne aliqua sibi vel filio suo aliquid habendi spes inesse posset ex allodio suo vocabulo Senlardiscurtis et ex omnibus que ad ipsum pertinebant in servis et in ancillis in nemore et in pratis et in omnibus reditibus que ad ipsum allodium pertinebant fecit donum Deo et Beate Marie semper virgini sibique in predicto loco scilicet Molismensi jugiter servientibus monachis excepto hoc quod dedit ecclesie Sancti Michaelis in eadem regione posite Hujus donationis testes existunt Albertus de Alnaco Odolricus de Castanedo et Macelinus frater ejus Wilelmus miles et Boso infans Lanfredus advocatus et Amaldricus filius ejus Herbertus et frater ejus Martinus Emerius major Albertus capellanus de Bullo Monte et Hugo capellanus Senlardiscurtis