Charter Document - 06330075
| Charter Number: | 06330075 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1095 |
| Date type: | Assigned |
| Resource Link(s): |
|
Charter:
Notum sit omnibus futuris et presentibus quod domina Agnes uxor Hunberti comitis de Jussiaco filia vero Franconis de Blaringahan et Agnetis filie Belerudis dedit Sancte Marie et ecclesie Molismensi quartam partem allodii sui de predicta villa Blaringahan et omnem decimationem ejusdem allodii tali conventione ut quamdiu ipsa viveret ipsum allodium in suo dominicatu retineret et per singulos annos quinque solidos ob recognitionem predicte Molismensi ecclesie redderet post decessum vero ejus de seculo ipsa quarta pars ad usus ecclesie rediret jure perpetuo Dedit etiam terram Balsamundi et tenementum cujusdam hominis nomine Ilbodi pro anima filii Olrici cujus anniversarium notaverunt fratres in martyrologio ipsius rogatu pridie kalendas januarii Pro his et aliis innumeris largitionibus receperunt eam fratres in beneficiis et orationibus et ipsa posuit donum eorum que prediximus super altare Sancte Marie videntibus istis testibus ejus parte Fulcherius Stephanus et Gomarus ex parte Sancte Marie Richerius de Villa Dei Amalricus de Capella Burdinus sartor et Hugo frater Wilelmi presbiteri Acta sunt hec apud Molismum XVI kalendas aprilis in presentia domni Roberti abbatis et monachorum ibidem cum eo astantium Lecelini Teobaldi et Hatonis