Charter Document - 06330068
| Charter Number: | 06330068 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1111 |
| Date type: | Assigned |
| Resource Link(s): |
|
Charter:
Notum fieri volumus fidelibus omnibus tam presentibus quam futuris qualiter domnus Hildegarius de Velunensa Sancte Marie Molismensi et domno Roberto abbati fratribusque in Molismo habitantibus redditus qui ad ecclesiam ville Granciacensis pertinent concessit censum scilicet totum de atrio oblationes sepulturam mediam decimationem rusticorum cum omni terra que ad altare pertinet et cum omni decimacione vel reditibus earum rerum quas monachi in illa possessione ex labore vel nutrimento proprio adquirere poterunt Medietatem autem terciarum et omnium consuetudinum et justiciarum quas rustici in predicta villa commanentes reddere debent dono prefati Hildegarii militis sociorumque ejus Widonis de Buxo Hugonis de Spelvia Radulfi de Cassanno possident monachi prefate ecclesie Molismensis tali etiam tenore ut totam decimacionem et terciam ex proprie familie laboribus possideant monachi De hac convenientia existunt testes Gosbertus de Barro Ingo de Velunenso et Bencelinus et Hugo Rufus