Charter Document - 06330053
| Charter Number: | 06330053 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1101 - 1109 |
| Date type: | Assigned |
| Resource Link(s): |
|
Charter:
Fixum atque in perpetuo ratum cuncti sancte ecclesie filii presentes et successuri teneant quod Hugo de Toceio et Norgaudus frater ejus concesserunt Deo et Sancte Marie et ecclesie Molismensi et monachis in insula de Crisennon manentibus tantum de ipso allodio quantum habitationi et omnibus officinis eorum ortis et virgultis [et c]imi[teri]o necesse erat et terram quantum una carruca laborare poterat ita ut si ali[quis] r[u]s[ticorum] in ipsa terra a monachis culta habitare voluerit non contradicant et aliam terr[a]m ali[bi] accipiant ut diximus quantum proprie carruce opus fuerit Concesserunt etiam eis totum usuarium silvarum preter quod nichil vendent aut dabunt et pascuarum [et aqu]arum ad omnes usus eorum et de propriis porcis suis non dabunt pasnagium et unam aream ad unum horreum faciendum et unum furnum si facere voluerint et quicquid ex eo exierit duos quoque piscatores in Incaunam quociescumque vero abba Molismensis vel prior supervenerint mittentur piscatores in Incaunam et Baciolam qui piscatores jurabunt quod pisces non vendent sed in quoquinam deferent De pratis suis dederunt tantum de brolio suo quantum uni carruce suffecerit et extyrpabunt frutices quantum necesse fuerit Post hec post mortem domni Hugonis domnus Norgaudus frater ejus tam pro ejus quam pro sua anima terciam partem de toto allodio de Crisennon monachis in augmentum dedit exceptis servis suis cum tenementis eorum Quicquid etiam de suo casamento eis jam datum fuerat laudavit scilicet dimidium molendinum quod ab eo tenebat Gaufredus de Vincellis et ecclesiam de Lucheio et manum firmam quam Hugo de Puncta dedit Sancte Marie Tribus quoque mancipiis eorum id est pistori cocco et cellerario concessit usuarium aquarum et pascuarum et silvarum ad domos suas faciendas et ad ardendum et areas domorum suarum Si porcos habuerint in silvis dabunt pasnagium Acta sunt hec apud Toceium castrum II kalendas junii presidente Humbaldo episcopo ecclesie Autissiodorensi et de his omnibus fecit donum predictus Norgaudus domno Rotberto primo Molismensis ecclesie abbati laudante et concedente uxore sua Ermengardi et filia Beatrice cum ceteris infantibus suis videntibus et audientibus testibus istis S Hugo canonicus filius Gocelini S Gosbertus filius Herberti Wifel S Johannes de Laniaco S Walterius filius Calonis S Stephanus de Casellis S Iterius frater ejus Gosbertus Capellus S Hugo Grossus S Alexander S Hugo Rufinus S Fulco de Toceio Hoc notandum quod justiciam propriorum mancipiorum dedit monachis de his que deliquerint infra claustra vel cimiterium monasterii audientibus suprascriptis testibus