Charter Document - 06330034

Notum sit omnibus quod Wilelmus comes Nivernensium quodam tempore colloquium habiturus cum Hugone duce Burgundionum Molismum venit qui a fratribus satis honorifice ut decebat susceptus est Deinde finito colloquio cum ad propria vellet remeare fratrum orationibus humiliter se studuit commendare in presenti aliquid suorum reddituum monasterio concedens et in futura ampliora promittens Denique quandam consuetudinem quam habebat in vineis eorum de Troncheio id est quod nos vulgariter herbam dicimus pro remedio anime sue et predecessorum suorum salute eidem Molismensi ecclesie jure legitimo perpetualiter indulsit et ministris suis ne ulterius de vineis monachorum herbam acciperent percipiendo interdixit tam de ipsis vineis quas tunc proprias possidebant quam etiam de ipsis quas deinceps in suo dominio quoquo modo adquirere valerent Sed et hoc adjecit ut quando et quos vellent monachi custodes in vineis suis sine licentia ministrorum suorum ponerent Similiter de vindemia colligenda in potestate monachorum erit quod tamen aliis facere non licebit Concessit quoque predictus comes Molismensi ecclesie rem valde necessariam tam ipsis quam hominibus eorum id est usuarium pascuarum suarum in potestate de Caunnaco et de Lannia vel ubicumque alias fuerint et preposito Tornodorensi et ceteris ministris suis precepit ne ulterius eorum bestie de ipsis pascuis de turbarentur vel expellerentur neque jam pro hoc monachi vel homines eorum ab aliquo aliquam violentiam paterentur Quam rem licet jam altera vice alibi concessisset hac tamen perfectius confirmavit et coram istis testibus legitime corroboravit Hugo de Tillo dapifer comitis Gosbertus Rufus de Castellione Milo de Curtennaco Bonus Amicus de Tornodoro Walterius senescaldus