Charter Document - 06330029

Notum sit omnibus futuris et presentibus quod Wibertus de Castro Censurii annuente Regina uxore sua et duobus filiis ejus Ascelino et Hugone et filia ejus Petronilla dedit Deo et Sancte Marie Molismi et fratribus in eodem loco degentibus totum atrium Nantriaci et omnia ad eundem atrium pertinentia sine ulla exceptione sui et suorum omnium Extra atrium autem dedit monachis censum quatuor nummorum omnium hospitum ibi habitare volentium Quicquid vero superfuerit omnium reddituum mansorum scilicet et medietatem curvate et terciarum omnium agrorum qui culti fuerint excepto hoc quod monachus propria carruca luctaverit divident per medium Simili etiam modo de reditibus nemorum quicquid inventum fuerit mellis et cere et omnium justiciarum concessit monachis medietatem et medietatem retinuit Retinuit etiam omnem venationem absque parte monachorum Si autem quispiam ex venatione aliquam injusticiam fecerit de justicia que exinde facta fuerit monachi medietatem habebunt Dedit preterea monachis omnium porcorum in eisdem nemoribus pascentium medietatem tocius pasnagii exceptis porcis monachorum quibus libere concessit usum omnium nemorum Hoc autem sciendum est quod si aliquis servorum domni Wiberti qui in atrio manserint aliquam injusticiam fecerit monachis aut ipsis omnibus que ad res monachorum pertinent facient proclamationem ad ipsum si vero ipse inde justiciam eis ad presens agere potuerit non dissimulando preteribit quin eam faciat Si autem de presenti agere nequiverit competens terminum ipse et monachi accipient quo eam agere possit quod si terminus acceptus transierit viderintque monachi quod dampnum inde incurrant exinde justiciam facient monachi Et si aliquis de foris veniens proclamationem fecerit domni Wiberti absque clamore justiciam monachi facient De hoc testes existunt Milo de Nugerio Hugo filius Gisleberti de Nugerio Ivo de Avalone Achardus de Pussione Walterius dapifer de Tornodoro Fromundus frater Widonis prepositi de Tornodoro Confirmatio hujus carte facta est apud Vergiliacum in die festivitatis sancte Marie Magdalene tempore Philippi regis Francorum et temporibus optimatum suorum Wilelmi comitis Nevernensis et Roberti filii ejus episcopi Autissiodorensis et Odonis ducis Burgundie et Roberti fratris ejus episcopi Lingonensis His omnibus completis dixit domnus Wibertus Hec omnia in fide concedo Ex parte domni Wiberti sunt testes Gaufredus de Aona et filius ejus Geduinus et Petrus filius Roscelini et Andreas prepositus ejus de Basseio et Lodo de Clamiceio Sit etiam hoc notum omnibus quia post donum illud vel venditionem qua Ascelinus filius Wiberti vendidit quartam partem de Nantriaco monachis Molismensibus laudante Hugone fratre suo et matre sua Regina coram testibus multis ut etiam soror Petronilla laudaret uxor Milonis de Riveria sicut conventio erat perrexit ipse Ascelinus Gurgiacum ad eam et Warnerius monachus cum eo et rogavit eam ut quod ipsi fecerant laudaret et ipsa Que concessit et donum sicut factum fuerat gratanter laudavit triginta tamen solidos a fratre suo pro hac concessione accepit Hujus rei testes sunt isti Hugo de Sancto Benigno Hugo Malus Vicinus Walterius de Ruvro et Ansculfus Sciendum est quia quicquid monachi de Nantriaco de ipsa terra ruperint hoc totum proprium possidebunt quod autem alius aliquid ruperit si aliquo modo dereliquerit similiter monachi si voluerint in suos usus hoc libere possidebunt usque dum alter veniens ipsam terram a priore loci illius requirat et tunc si prior noluerit reddere et in suo dominicatu eam retinere voluerit tribus partibus terciarum retentis quartam partem reddet Testes horum sunt Wido de Coson Wido Ricardus Faramundus Rainaldus Capreus de parte monachorum Hugo Grossus Gaufredus frater ejus Rainaldus cognatus eorum Widricus frater Rainaldi Notum sit etiam hoc quod Stephanus de Campo Walonis qui erat unus ex heredibus Nantriaci partem illam quam calumpniabatur concessit Deo et Sancte Marie Molismensi laudantibus filiis et filiabus suis Rainaldo et Stephano et Stephano genero suo cum uxore sua filia supradicti Stephani Testes sunt Constantius Bolosus Hermenfridus Mainfredus Odo Erlaudus Girbaudus de Arciaco Olricus Achardus de Molismo