Charter Document - 06330027
| Charter Number: | 06330027 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1085 - 1102 |
| Date type: | Assigned |
| Resource Link(s): |
|
Charter:
Ego Rainerius notum volo esse omnibus Dei fidelibus tam presentibus quam futuris qualiter res quasdam beneficii mei quod habeo ab ecclesia Lingonensi cum consensu domni Roberti ejusdem ecclesie episcopi et Rainerii de Nojant qui medietatem earumdem rerum de me in beneficio habebat in potestate Varennas in valle que Confeium nominatur nunc vero Bella Vallis volumus nuncupetur cum omni libertate concedo ecclesie Sancte Marie Molismensis ad victum fratrum qui Deo et sancto Gengulfo Varennas serviunt pro remedio anime mee et conjugis mee Hermengardis a termino ville que vocatur Hesterz usque ad Altineiut et usque ad fines Baldrevallis et usque ad fines Borbone eo tenore et usque ad fines Jainrivi et usque ad fines Vogesi et usque ad fines Accuti Montis tali videlicet ut nullus heredum meorum ibi quicquam reclamare vel possidere audeat preter partem venationis cervi vel apri qui tantum nullo modo cipo capiantur et si capti fuerint sine lege reddantur cum omnibus usibus quos potestas Varennas habet Ut autem traditio nostra firmior habeatur has litteras inde fieri jussimus quas manibus domni Roberti episcopi et aliorum nobilium virorum firmandas tradidimus Acta sunt hec Philippo rege regnante in Francia Signum Roberti episcopi S Rainerii S Rogerii filii ejus S alterius Rainerii de Nojant S Bartholomei filii ejus S Teotbaudi qui has determinationes finium nobis denominavit