Charter Document - 06330026
| Charter Number: | 06330026 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1084 |
| Date type: | Assigned |
| Resource Link(s): |
|
Charter:
Ego Raynardus Dei gratia Lingonensis ecclesie episcopus notum volo esse omnibus sancte Dei ecclesie fidelibus tam futuris quam presentibus qualiter Raynerius miles nostram adiens presentiam humiliter postulavit quatinus ecclesiam in honore beati Petri apostoli et sancti Gengulfi martiris dedicatam in loco qui dicitur Varennas sitam qui locus predicti martyris possessio fuisse dinoscitur pro remedio anime nostre et sue antecessorumque suorum ecclesie Sancte Marie Molismensis concederemus Cujus justam petitionem benigne suscipientes cum consilio et laude clericorum nostrorum predictam ecclesiam cum decimis et oblationibus atrio et terra altaris et censualibus ad altare pertinentibus prelibate ecclesie Sancte Marie Molismensis perpetualiter possidendam concedimus eo scilicet tenore ut pro statu Lingonensis ecclesie Deum humiliter exorent et mei memoriam tam in vita quam in morte in suis orationibus cotidie habeant Addidit etiam predictus Rainerius huic nostre concessioni ut monachi in eo servientes cum omni familia ipsorum eandem habeant libertatem quam ipse et familia ejus Rustici vero in terra ipsorum manentes nullam consuetudinem domino ipsius potestatis preter corvatam persolvant Si quis vero militum de terra Sancti Gengulfi in beneficio tenens sine recumpensatione domini temporalis fratribus Deo Varennas famulantibus largiri aliquid voluerit liberam habeat facultatem Ut autem hec concessio nostra perpetuam habeat firmitatem hanc scripturam inde fieri jussimus quam propria manu firmavimus et firmandam fidelium nostrorum manibus tradidimus Signum Amalrici decani S Goscelini archidiaconi S Roberti archid Signum Girardi archid S Warnerii archid Signum Hugonis archid S Rainerii militis S Pagani S Rogerii S Berengarii S Bernardi