Charter Document - 06330014
| Charter Number: | 06330014 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1077 |
| Date type: | Assigned |
| Resource Link(s): |
|
Charter:
Notum fieri volumus omnibus tam futuris quam presentibus quatinus domnus Symon comes Barrensium dedit Beate Marie semper virgini Dei genitrici et domno Roberto abbati fratribusque in loco Molismensi Deo servientibus quicquid habebat in dominicatu apud villam que dicitur Granciacus Robertum scilicet et mulierem ejus Wilesendem cum omnibus infantibus suis silvam que dicitur Carmeacus et piscaturam cum gaurea eo tenore ut quotannis anniversarius dies parentum suorum Radulfi videlicet comitis et Walterii fratris suis et matris sue Adele necnon et ipsius domni Symonis postquam obitus ejus evenerit agatur a fratribus Consuetudines autem quas rustici debent similiter dedit quatinus in prefato loco Molismensi quemcumque ipse comes mittere ad monachatum voluerit recipiatur et alatur Signum Symonis comitis S Anschulphi sexcalqui S Evrardi vicecomitis S Widonis de Ulmiaco S Fulberti prepositi S Arnulfi vicecomitis S Drogonis S Odoardi marescalci S Milonis Orphani S Helie militis Thorotensis Actum est hoc publice apud castrum quod situm est apud Albam fluvium quod Firmitas nuncupatur regnante Philippo rege VIII kalendas martii obiit Radulfus comes VIII idus septembris obiit Walterius comes III idus septembris obiit Adelina comitissa