Charter Document - 06330012

Notum sit omnibus Odonem Dei gratia Burgundie ducem dedisse Sancte Marie et fratribus ei in loco Molismensi servientibus Mercennacum villam et quicquid ad eam pertinet post decessum suum In vita vero sua dedit eis quatuor servos scilicet Rainardum Symonem Constantium Widonem cum uxoribus filiis et filiabus eorum in vestitura et justiciam atrii et usuarium nemoris et aque ad opus ipsorum fratrum et hominum eorum ibi habitantium Hoc etiam eis dedit ut neque ipsi nec eorum homines curvatas nec pastinacum de porcis suis pascentibus in ejus silvis ei ulterius redderent nullumque servitium ei ex debito impenderent Necnon etiam dedit eis justiciam tocius terre quam ibi dono ejus et fratrum suorum haberent Addidit etiam ut quicumque ex honore Castellionensi vel ducatus sui aliquod beneficium ab eo tenens eis largiri vellet sine ulla peticione ed eum facta eo laudante ei dare et illis accipere libere liceret Quam largitionem confirmationem etiam [laudaverunt] omnes ejus fratres et sorores Robertus Henricus Beatrix Helia ut monachorum tocius beneficii anime eorum et parentum suorum essent participes Hujus autem rei testes fuerunt Ugo de Nuceario et Hugo filius Gotifridi et Achardus et Wido de Buxo et Odo frater ejus et Landricus et Hugo de Maseiaco et Widricus et Walterius de Legismo Ipsi vero fratres tanto ejus beneficio congaudentes dederunt ei loricam precii triginta librarum quam Hugo frater ejus dux Burgundie temporalia cuncta postponens celestia sola appetens qui hec omnia Mercennachum scilicet et omnia ad eam pertinentia priusquam mundum relinqueret Beate Marie Molismensi jam concesserat eis largitus fuerat Sciendum autem quod Henricus suprascriptus huic largitioni non interfuit sed quam cito inde quo abierat rediit hec et quecumque frater ejus dux de utroque honore suo ecclesie Molismensi dederat vel daturus erat per hoc ligniculum Hugoni ejusdem ecclesie priori traditum hilari vultu benignissime concessit suadente eodem fratre suo duce et testimonium perhibente et Rainerio et Hugone filio Gotifridi et Haymone et Tescelino et Hugone de Perciaco