Charter Document - 06330011
| Charter Number: | 06330011 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1076 - 1077 |
| Date type: | Assigned |
| Resource Link(s): |
|
Charter:
Ego Hugo ad ducatum Burgundie regendum Deo juvante constitutus necnon et ex patrimonii successione Castellionis honore preditus quid salutis animo recensens elemosinarie conferat incrementum dispensationis Sancte Marie Molismensi et domno abbati Roberto et fratribus ibidem Deo servientibus presbiteratum ecclesie Mercennaice cum omni terra Sancti Veroli preterea et terram carruce unius arature sufficientem et prata apud eandem villam de dominicatu proprio servum etiam Symonem nomine cum uxore et infantibus annuentibus fratribus meis Odone milite et ceteris ita ut obtinebam ex toto nichil retinens contuli et dono manus mee solidavi eo tenore ut mei et parentum meorum memoriam in orationibus suis agerent Huic quippe condonationi apud castrum Castellionem facte testes adstiterunt Gerardus de Granceiaco S Bernardus de Monte Barro S Stephanus de Nuceario S Hugo Godefridus S Achardus miles S Landricus de Lanfridicurte Si quis autem aut calumpnie aut alicujus adversitatis molestiam huic condonationi suggesserit se sciat participata reproborum societate constituendum a sinistris nec aliquid habiturum a dextris nisi ad satisfactionis emendationem venerit