Charter Document - 06330001

Urbanus episcopus servus servorum Dei dilecto filio Roberto Molismensi abbati ejusque successoribus regulariter substituendis in perpetuum Pie postulatio voluntatis effectu debet prosequente compleri quatinus et devotionis sinceritas laudabiliter enitescat et utilitas postulata vires indubitanter assumat Proinde tam tuis et tuorum fratrum quam et reverendi fratris nostri Roberti Lingonensis episcopi postulationibus inclinati cenobium Molismense cui Deo auctore preesse dinosceris per presentis decreti paginam sub tutelam apostolice sedis excipimus salvo Lingonensis ecclesie jure et legitima defensione Per presentis igitur privilegii paginam apostolica auctoritate statuimus ut quicquid eidem cenobio supradictus episcopus vel ejus precessor Rainardus contulerunt et quecumque hodie juste possidet sive in futurum concessione pontificum liberalitate principum vel oblatione fidelium juste atque canonice poterit adipisci firma tibi tuisque successoribus et illibata permaneant Decernimus ergo ut nulli hominum liceat eandem ecclesiam temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura salvo scilicet in omnibus jure et subjectione Lingonensis ecclesie ita tamen ut episcopo non liceat exactionis vel consuetudinis gravamen aliquod fratribus irrogare Obeunte te nunc ejus loci abbate vel tuorum quolibet successorum nullus ibi qualibet surreptionis astutia seu violentia preponatur nisi quem fratres communi consensu vel fratrum pars consilii sanioris secundum timorem Dei et beati Benedicti regulam elegerint Electus autem a Lingonensi episcopo consecretur Porro donationem illam quam eidem monasterio bone memorie Rainardus et ejus successor Robertus Lingonenses episcopi consilio et assensu canonicorum suorum concesserunt nos quoque presenti decreto firmamus videlicet ut quicumque clericus quicumque Lingonensis ecclesie casatus cenobio vestro sive ecclesiam seu aliquid de casamento suo contulerit salvis nimirum consuetudinariis episcopi redditionibus monachis liceat optinere Vos igitur filii in Xpisto dilecti Dei semper timorem et amorem in vestris cordibus habere satagite ut quanto a secularibus tumultibus liberiores estis tanto amplius placere Deo totis mentis et anime virtutibus haneletis Sane si quis in crastinum archiepiscopus aut episcopus imperator aut rex dux comes vicecomes judex aut ecclesiastica quelibet secularisve persona hanc nostre constitutionis paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et sanguine Dei et domini Redemptoris nostri Jhesu Xpisti aliena fiat atque in extremo examine divine ultioni subjaceat Cunctis autem eidem loco justa servantibus sit pax domini nostri Jhesu Xpisti quatinus et hic fructum bone actionis percipiant et apud districtum judicem premia eterne pacis inveniant Amen Amen Amen [Benevalete] Datum apud Clarum Montem Arvennie per manum Johannis sancte R ecclesie diaconi cardinalis III kalendas decembris indictione III anno dominice Incarnationis MXCVI pontificatus autem domni Urbani secundi pape VIII