Charter Document - 06321171
| Charter Number: | 06321171 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1144 |
| Date type: | Internal, A.D. |
| Resource Link(s): |
|
Charter:
Notum sit omnibus istud legentibus quod domnus Hugo Ambianensis prius monachus Cluniacensis postea archiepiscopus Rothomagensis cum habitum monastice conversationis Cluniaci acciperet donavit Deo et Marciniacensi monasterio pro salute anime sue parrochialem ecclesiam de Pennis cum aliis suis adjacentibus ecclesiis et decimis sub censu duarum marcarum et dimidia Procedente itaque tempore de reddendo censu orta est querela inter domnum priorem Marciniaci et priorem Abbatisville qui censum illum annuation persolvebat adeo dura ut non potuisset pacificari nisi a domno abbate Cluniacensi Presente igitur prefato priore Marciniaci et quoddam fratre qui partes prioris Abbatisville agebat ego frater Petrus humilis Cluniacensis abbas hunc pacis modum inter utrumque constitui ut omni occasione remota querelandi in perpetuum prior Bithinin Abbatisville per singulos annos usque in perpetuum per proprium nuncium tres marcas ad pondus de bono argento priori Marciniaci persolveret tempus autem persolvendi censum constitutum inter Pentecosten et principium [lacune] Duranno sacriste et aliis anno ab incarnatione Domini millesimo centesimo quadragesimo quarto