Charter Document - 06320291
| Charter Number: | 06320291 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1115 - 1116 |
| Date type: | Assigned |
| Resource Link(s): |
|
Charter:
Certum sit omnibus fidelibus quia quidam miles nomine Eldinus de Glana per manum domni Gaufredi de Sinemuro Marciniacensis prioris a quo ipse et uxor sua monachalem vestituram acceperunt ecclesie Marciniaci pro anime sue et uxoris sue Stephane salute que in eodem cenobio monacha effecta est quidquid terre et nemoris et pratorum et vinearum in parrochia Sancti Martini de Lacu habebat donavit Dedit insuper ad Perticas eidem cenobio totam terram cum servitio quam ibi habebat et in Chazoto medietatem campi Hoc audierunt et viderunt in claustro Marciniacensi monachorum Ugo ejusdem loci prior claustralis et Girardus camerarius et Ugo de Sartinis et Eldinus Tizons et Girardus Rubeus et Vibaldus et Petrus de Sevenga Factum publice apud Marciniacum anno millesimo centesimo decimo quinto ab incarnatione Domini tempore Gaufredi tertii filii Gaufredi secundi monachi et hujus loci prioris in cujus manu laudavit donum istud et concessit