Charter Document - 06320282
| Charter Number: | 06320282 |
|---|---|
| Cartulary Title: | Le Cartulaire de Marcigny-sur-Loire (1045-1144) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1085 - 1102 |
| Date type: | Assigned |
| Resource Link(s): |
|
Charter:
Notum sit omnibus tam presentibus quam futuri evi hominibus quod ego Adaleida uxor Petri de Chucy audiens viros diligi ab uxoribus debere et teneri dono Deo et beato Petro ac Marciniacensi monasterio ubi me ipsam mitto pro anima viri mei viam universe carnis ingressi et pro anime mee remedio laudantibus filiis meis Galterio et Guillelmo et fratribus meis Artaldo de Buxolio et Hugone priore de Paredo mansum de Marciliaco et servos et burdelarias tres apud Varennis quas tenent Durannus Boirel et Hebrardus de Paret atque Constantinus de Varennis Hoc donum feci facio et confirmo coram testibus Guillelmus archipresbiter e[t] Bernardus de Perres